Friday, September 09, 2016

ရထားသံလမ်းပေါ်က ကဗျာနှစ်ပုဒ်

မနှစ်က ဖေ့စ်ဘွတ်မှာ တင်ခဲ့တဲ့ ကဗျာနဲ့ ဒီနှစ်တင်ဖြစ်တဲ့ ကဗျာ ... တိုက်တိုက်ဆိုင်ဆိုင် ဓာတ်ပုံလေးတွေက ရထားသံလမ်းလေးတွေချည်း ဖြစ်နေတယ်။ မနှစ်က ကဗျာရဲ့ ဓာတ်ပုံက အင်္ဂလန်နိုင်ငံ South Stafford-shire နယ်က Bilbrook ဆိုတဲ့ ရွာငယ်ကလေးရဲ့ဘူတာရုံ ရထားသံလမ်းပါ။ အင်္ဂလန်မှာနေတုန်းက အလုပ်သွား ကျောင်းသွားရင် အိမ်နဲ့ မနီးမဝေးက အဲဒီဘူတာလေးကနေ တခါတလေ ရထားစီးဖြစ်တယ်။ များသောအားဖြင့်ကတော့ ဘတ်စ်နဲ့သွားတာပါပဲ။ ရထားစီးဖြစ်တဲ့အခါ ဘူတာရုံလေးမှာ စောင့်နေရင်း ဘုရားစာရွတ်တဲ့အခါရွတ်၊ ဟိုငေး ဒီငေး ဟိုတွေးဒီတွေး တွေးတဲ့အခါ ငေးလို့ တွေးလို့ပေါ့။ မနှစ်က ဒီဓာတ်ပုံလေးကို အယ်လ်ဘမ်ထဲ ပြန်တွေ့ပြီး ကဗျာလေး ရေးဖြစ်သွားခဲ့ပါတယ်။ 
.
ပိုင်ဆိုင်ခွင့်ရတဲ့ခဏ
ဘဝဆိုတာက တိုတိုလေး ... 
.
ခွန်းဆက်ဖို့ပြင်နေဆဲ 
နှုတ်ဆက်လို့ ခွဲခဲ့ရတဲ့အခါ
ကံကြမ္မာကိုသာ ယိုးမယ်ဖွဲ့မိတယ်။ 
***
၁ဝ၊ ၉၊ ၂၀၁၄ 
***
နောက်တပုံကတော့ သြဂုတ်လထဲမှာ ကျောင်းက ကျောင်းသားတွေနဲ့ တိုက်ကြီးမြို့နယ်ကို ရေဘေးကယ်ဆယ်ရေး ပစ္စည်းတွေ သွားလှူတော့ ကယ်ဆယ်ရေးစခန်း လုပ်ထားတဲ့ ဘုန်းတော်ကြီးကျောင်းနားမှာ တွေ့ရတဲ့ ရထားသံလမ်းလေးကို သဘောကျလို့ ရိုက်ထားခဲ့လိုက်တယ်။ မိုးရာသီမို့ ပတ်ဝန်းကျင်မှာ စိမ်းစိုနေတာပဲ။ အစိမ်းရောင်တွေ ကြားမှာ လဲလျောင်းနေတဲ့ သံလမ်းလေးရဲ့ ဘေးတဘက်တချက်မှာ ကျွန်းပင်တန်းနဲ့ ... ။ ဒီသံလမ်းလေးတွေကို ကြည့်ပြီး ကဗျာတပုဒ် ရေးဖြစ်ခဲ့တယ်။ 
.

သံလမ်းများ
***
ဘယ်မှာ ဆုံမလဲ
ဘယ်မှာ ဆုံးမလဲ
... ... ... ... ... 
... ... ... ... ...
... ... ... ... ...
ဘဝရထားကြီးကို ကျောမှာပိုးရင်း  
မညည်းမညူ ခရီးအတူ သွားခဲ့တယ်။
***
မေဓာဝီ
၉၊ ၀၉၊ ၂၀၁၆

Read More...

Monday, September 05, 2016

အပေါင်း အနုတ် နှင့် ညီမျှခြင်း ( + - = )

.
(၁) အပေါင်း
+ + + +
အမှတ်တရ ရက်လေးတွေ တရက်တိုးတိုင်း ... ...
... ... ...
သံယောဇဉ်တွေ တိုးပွါး
ချစ်ခြင်းမေတ္တာတွေ တိုးပွါး
နားလည်မှုတွေ တိုးပွါး ...
... ... ...
(၂) အနုတ်
- - - -
သံသယတွေ လျော့ပါး
ပဋိပက္ခတွေ လျော့ပါး
မာန်မာနတွေ လျော့ပါး ...
... ... ...
(၃) ညီမျှခြင်း
= = = =
ရည်ရွယ်ချက်တွေ တူညီ
ရည်မှန်းချက်တွေ တူညီ
ရပ်တည်ချက်တွေ တူညီ
... ... ...
ရှေ့ဆက်ရမယ့် ပန်းတိုင်ဆီ ...
မှီတွယ်ရာ ပခုံး
နူးညံ့တဲ့ နှလုံးသား
အင်အားရှိတဲ့ လက်များနဲ့
ဆက်သွားကြမယ် အတူတူ ... ... ။
***
 
မေဓာဝီ
၅၊ ၀၉၊ ၂၀၁၆
၁၆း၀၀ နာရီ
(တနှစ်နဲ့ ၆ လပြည့် ... အမှတ်တရ)

Read More...

Wednesday, August 31, 2016

ဘလော့ဒေးနှင့် ဆယ်စုနှစ်သို့ သမင်လည်ပြန် ...

***
၂၀၀၆ ခုနှစ် သြဂုတ်လ ၃၀ ရက်နေ့မှာ စခဲ့တဲ့ ကျမရဲ့ "တွေးမိတွေးရာ ရေးမိရေးရာ" ဘလော့လေးဟာ ခုဆိုရင် ဆယ်နှစ်တင်းတင်း ပြည့်ခဲ့ပါပြီ။ ရေးခဲ့သမျှတွေ ပြန်ကြည့်တော့ ဆယ်နှစ်အတွင်းမှာ ပို့စ်ပေါင်း ၇၃၉ ပုဒ် ရေးဖြစ်ခဲ့တာ တွေ့ရတယ်။ ပို့စ်တွေကို ကဗျာ အက်ဆေး ဝတ္ထု ခရီးသွားဆောင်းပါးနဲ့ ကိုယ်ရေးကိုယ်တာ စသဖြင့် ခေါင်းစဉ်လေးတွေ ခွဲပြီးတင်ခဲ့ပါတယ်။ ဘလော့ရေးခါစက တချိန်ကျရင် စုပြီး စာအုပ်ထုတ်မယ်လို့ ရည်ရွယ်ခဲ့ပေမဲ့ ဘလော့ဂါတွေ တယောက်ပြီးတယောက်သာ စာအုပ်တွေ ထုတ်ပြီး စာရေးဆရာတွေ ဖြစ်သွားကြတယ်၊ ကျမကတော့ ခုထိမထုတ်ဖြစ်သေးပါဘူး။
.
ဘလော့ဒေးလို့ သတ်မှတ်ခဲ့ကြတဲ့ ၃၁ သြဂုတ်နဲ့ ကျမဘလော့လေး ဆယ်နှစ်တင်းတင်း ပြည့်တဲ့အချိန် ဘလော့မှာ လှမ်းခဲ့သမျှ ခြေရာလေးတွေကို ပြန်ကြည့်ရင်း အင်တာနက် စသုံးဖြစ်ခဲ့ပုံတွေကို ပြန်တွေးမိတယ်။ ၂၀၀၆ မှာမှ ဘလော့စရေးပေမဲ့ ဒီ့အရင်ကတည်းက အင်တာနက် သုံးဖြစ်နေပါပြီ။
.
အင်တာနက်စသုံးခြင်း
*
၂၀၀၀ ပြည့်နှစ်ကျော်ခါစမှာ အင်တာနက်ကို dial up နဲ့ စသုံးချိန်က outlook express နဲ့ အီးမေးလ်လောက်သာ သုံးဖြစ်ခဲ့တယ်။ dial up က ဖုန်းလိုင်းနဲ့ ချိတ်ရတာမို့ အင်တာနက်သုံးနေရင် ဖုန်းက ဘီးဇီးဖြစ်နေပြီး တခါတခါ ဖုန်းဝင်လာရင် အင်တာနက် လိုင်းကျသွားတတ်ပါတယ်။ ပုံတွေ attached file တွေတွဲပြီး အီးမေးလ်ပို့ရင်လည်း အချိန်သိပ်ကြာပါတယ်။ အဲဒီလို အဆင်မပြေမှုတွေနဲ့သာ သုံးရတယ် ဖုန်းဘေလ်လာတော့ တသိန်းကျော် ဆောင်လိုက်ရပြီးနောက်ပိုင်း broadband တပ်လိုက်ပါတော့တယ်။ ADSL တွေချပေးတဲ့အခါ ADSL လည်း ထပ်တပ်ခဲ့တယ်။
.
Broadband နဲ့ ADSL တွေ တပ်ခါစ free email ဖွင့်လို့ရတဲ့ web site တွေဖြစ်တဲ့ postman တို့ yahoo, msn, aol တို့ကနေ အီးမေးလ်ရော messenger ပါ သုံးဖြစ်တယ်။ အဲဒီအချိန်တုန်းက စစချင်းမို့ ဝက်ဘ်ဆိုက်တွေကို ပိတ်တာဆို့တာ သိပ်မရှိသေးပါဘူး။ Skype ကနေ conference call ခေါ်ပြီး လူအများနဲ့ ပြောလို့ရတဲ့အထိ ကွန်နက်ရှင်ကောင်းပါတယ်။ နောက်ပိုင်းကျတော့ yahoo, msn တွေရဲ့ မေးလ်ရော မက်ဆန်ဂျာရော သုံးလို့ မရတော့ပါဘူး။ ပုဂံနက်က မေးလ်ကိုပဲ သုံးရပါတော့တယ်။ အစိုးရကလည်း အီးမေးလ်တွေ အဝင်အထွက်ကို စောင့်ကြည့် စစ်ဆေးဖို့ ဆက်သွယ်ရေးက တပ်သားလေးတွေကို တာဝန်ပေးထားတယ်လို့ သိရတာကြောင့် အီးမေးလ် အင်တာနက် သုံးရတာဟာ လုံခြုံမှုမရှိသလို ပရိုက်ဗေစီလည်း မရှိခဲ့ပါဘူး။
.
chat room နဲ့ forum များ
*
အဲဒီနောက် ပလန်းနက်မြန်မာနဲ့ ပုဂံဝက်ဘ်ဆိုက်တွေထဲမှာ လူစည်ကားလာကြတယ်။ ကမ္ဘာတဝှမ်းက မြန်မာတွေဟာ မြန်မာလို ပြောလို့ရတဲ့ ချတ်ရွမ်းတွေမှာ ဆုံကြ ပြောကြတယ်။ အဲဒီတုန်းက ပလန်းနက်နဲ့ mmchat ကို အသုံးများခဲ့ကြပါတယ်။ ချတ်ရွမ်းမှာ ပျော်စရာကောင်းသလို ငြင်းခုန်ကြ ရန်ဖြစ်ကြ ဆဲကြတာတွေ လည်းရှိတယ်။ အကြောင်းအရာတခုကို တင်ပြ ဆွေးနွေး ငြင်းခုန်နိုင်တဲ့ ဖိုရမ်တွေလည်း သက်ဝင် လှုပ်ရှားလာကြတယ်။ မှတ်မှတ်ရရ mercy killing နဲ့ ပတ်သက်ပြီး ဖိုရမ်ထဲမှာ အများနဲ့ တယောက် ဆွေးနွေး ငြင်းခုန်ခဲ့ဖူးတယ်။ ပုဂံနက်ထဲမှာ လူငယ်တွေကို ဘာသာရေး မှိုင်းတိုက်ခဲ့တဲ့ ဘကြီးဝိဟာရီ (မိုးပြာဂိုဏ်းခေါင်းဆောင်) နဲ့ အခြေအတင် ပြောခဲ့ဖူးတယ်။ အဲဒီတုန်းကတော့ သူမှန်းမသိခဲ့ပါဘူး။ နောက်ဆုံး ပုဂံဖိုရမ်ရဲ့ အက်ဒ်မင်က bias လုပ်ပြီး ကိုယ့်စာတွေ တင်မပေးတော့တာနဲ့ ပုဂံဖိုရမ်ကို ကျောခိုင်းပြီး နေးတစ်မြန်မာ ဖိုရမ်ကို ရောက်ခဲ့ပြန်တယ်။
.
forum မှ blog ဆီသို့
*
အက်ဒ်မင်ရဲ့ ထိမ်းချုပ်မှုရှိနေတဲ့ ဖိုရမ်တွေကို ငြီးငွေ့လာချိန်မှာ ဖိုရမ်ထဲမှာရှိတဲ့ ညီလင်းဆက်၊ ကိုမောင်လှ၊ နိုင်းနိုင်းစနေတို့က ဘလော့စရေးနေကြပါပြီ။ သူတို့လင့်ခ်တွေကို လိုက်ကြည့်ရင်း ကိုယ်လည်း ဘလော့တခုလုပ်ချင်စိတ် ဖြစ်လာတယ်။ အဲဒီအချိန် google က free ပေးတဲ့ ဂျီမေးလ်တွေ သုံးနေကြပြီမို့ ဂျီမေးလ်အကောင့်နဲ့ ဖွင့်နိုင်တဲ့ blogspot ကို သုံးပြီး ဘလော့တွေ ရေးကြပါတယ်။ ကိုယ်လည်းပဲ နည်းပညာဆိုင်ရာ ဟိုလူ ဒီလူ အကူအညီတောင်း၊ ညီလင်းဆက်ရေးတဲ့ ဘလော့လုပ်နည်းတွေဖတ်ပြီး ကိုယ်ပိုင် ဘလော့တခု ဖန်တီးဖြစ်ခဲ့တယ်။ ကိုယ်ရေးထားတဲ့ စာတိုပေစလေးတွေ တနေ့တပုဒ်တင်ရင်း အကျေနပ်ကြီး ကျေနပ်လို့ပေါ့။
.
ပထမဆုံးပို့စ်နဲ့ ဘလော့
*
စစချင်းပို့စ်မှာ ကြောင်ဂါးဖီးရဲ့ I can but I won't ဆိုတဲ့ ပုံလေးကို သဘောကျလို့ ကိုယ်နဲ့လည်းတူလို့ Me ဆိုတဲ့ ခေါင်းစဉ်နဲ့ တင်ခဲ့ပါတယ်။ အဲဒီတုန်းက မြန်မာလို မြင်ရဖို့အတော်လေး ကြိုးစားခဲ့ရပါတယ်။ အင်တာနက် စာမျက်နှာပေါ်မှာ ကိုယ်ရေးတဲ့စာကို ကွန်ပျူတာ စာလုံးနဲ့ မြင်ရတဲ့ ခံစားချက်က ဟိုးအရင် မဂ္ဂဇင်းထဲ ကိုယ့်စာမူပါလို့ ပျော်ရွှင်ကြည်နူးရတဲ့ ခံစားချက်မျိုးနည်းတူပါပဲ။ ကိုယ့်စာကိုယ် တစိမ့်စိမ့် ကြည့်မဝခဲ့ဘူး။
.
မြန်မာစာလုံးများနဲ့ ဘလော့
*
ကွန်ပျူတာပေါ်မှာ မြန်မာစာကို စစချင်း CE font နောက်တော့ Win font တွေ သုံးပြီး ရိုက်ခဲ့ကြတယ်၊ ဖိုရမ်တွေ ချတ်ရွမ်းတွေမှာ ဝင်းစာလုံးနဲ့ပဲ ရိုက်ခဲ့ကြပေမဲ့ ဘလော့ပေါ်လာတဲ့ အချိန်မှာတော့ ဇော်ဂျီစာလုံးကို တညီတညွတ်တည်း သုံးခဲ့ကြပါတယ်။ ဝင်းစာလုံး သုံးတဲ့ ဘလော့တွေရှိပေမဲ့ အင်မတန်နည်းပါတယ်။ အများစုက ဇော်ဂျီကိုပဲ သုံးကြတယ်။ ဇော်ဂျီသုံးမယ်ဆိုရင် ဇော်ဂျီကီးဘုတ်ကို ဒေါင်းလုတ်ယူ အင်စတောလုပ်ပြီး သုံးရပေမဲ့ သူက user friendly ဖြစ်တာကြောင့် တဖြည်းဖြည်း ဇော်ဂျီသုံးစွဲသူတွေ များပြားလာခဲ့ပါတယ်။ အဲဒီတုန်းက ယူနီကုတ်ပေါ်ပြီလား မပေါ်သေးဘူးလားတော့ မသိပါဘူး၊ ယူနီကုတ် သုံးတဲ့သူတော့ မတွေ့ရပေးပါဘူး။
.
ရေးမိရေးရာ ဘလော့
*
မဂ္ဂဇင်းလို အယ်ဒီတာမရှိ၊ ဖိုရမ်လို အက်ဒ်မင်မရှိတဲ့ ဘလော့ရေးသူတွေဟာ ကိုယ့်စာကိုယ် တာဝန်ယူကြရပါတယ်။ ဝေဖန်ခံ အဆဲခံနိုင်ကြရတယ်။ အဲဒီတုန်းက အစိုးရကို ဝေဖန်မိရင် တဘက်က လက်ခုပ်တီးသလို တဘက်ကလည်း ပြစ်တင်ဆဲရေးတာ ခံရတယ်။ အဲဒီတုန်းက အွန်လိုင်းမဂ္ဂဇင်းတွေရဲ့ အမှားတချို့နဲ့ ဘလော့ရေးဖော် အချင်းချင်းရဲ့ သတ်ပုံအမှားလေးတွေ ထောက်ပြတတ်တဲ့ ကျမလည်း လူအမြင်ကတ်ခံရတဲ့ စာရင်းဝင် တယောက်ပါပဲ။
.
နေ့စဉ်ကြုံတွေ့ရတဲ့ အဖြစ်အပျက်လေးတွေ၊ ကိုယ်မျှဝေချင်တဲ့ အကြောင်းအရာနဲ့ စာတွေ ကဗျာတွေအပြင် တွေးမိသမျှ ချရေးဖြစ်ခဲ့တာမို့ ဘလော့ဟာ ကျမအတွက်တော့ စာရေးဖို့ လေ့ကျင့်ကွင်းတခု ဖြစ်ခဲ့ပါတယ်။ ၂၀၀၆ သြဂုတ်နောက်ပိုင်းနဲ့ ၂၀၀၇ ခုနှစ် အစောပိုင်း ကာလတွေဟာ စာအရေးဖြစ်ဆုံး အချိန်တွေပါပဲ။ အဲဒီတုန်းက ဘလော့မှာ တနေ့တပုဒ် မှန်မှန် ရေးဖြစ်ခဲ့ပါတယ်။ နေ့စဉ်ရေးခဲ့တာမို့ အဲဒီတုန်းက စာတွေဟာ ကုန်ဈေးနှုန်းအပါအဝင် ခေတ်ကို ထင်ဟပ်တဲ့ အကြောင်းအရာတွေ များပါတယ်။
.
သမိုင်းထဲက ဘလော့
*
ဒီလိုနဲ့ ၂၀၀၇ ခုနှစ် သြဂုတ်လထဲမှာ အစိုးရက ကြေငြာမထားဘဲ စက်သုံးဆီတွေ ဈေးတိုးမြှင့်လိုက်တော့ တချို့ဘတ်စ်လိုင်းတွေ မထွက်ဘူး၊ ကားခတွေဈေးတက်သွားတယ်။ အခြေခံ လူတန်းစားတွေ ကသီလင်တ ဖြစ်ကြတဲ့အခါ ဘတ်စ်ကားမစီး အငှားကားမစီးဘဲ တစုတဝေးထဲ လမ်းလျှောက်ကြတဲ့ အဖြူရောင် လှုပ်ရှားမှု ပေါ်ပေါက်လာခဲ့ပါတယ်။ အဲဒီအချိန်က သိပ်ကို sensitive ဖြစ်နေတဲ့ကာလ ... ရွှေဝါရောင်တော်လှန်ရေး မတိုင်ခင်အချိန်လေးပေါ့။ ကျမက အစိုးရသတင်းစာထဲမှာ ပါတဲ့ ဆောင်းပါးတပုဒ်ကို ထောက်ပြဝေဖန်တဲ့ စာတပုဒ် ဘလော့မှာ ရေးခဲ့လိုက်တယ်။ အဲဒီဆောင်းပါးကို ဟစ်တိုင်အွန်လိုင်းမီဒီယာက သူတို့စာမျက်နှာမှာ ထည့်ခွင့်တောင်းပြီး ထည့်လိုက်တဲ့အခါ .... ။
... ... ... ...
... ... ... ...
.
အဲဒီဆောင်းပါးနဲ့ ပတ်သက်လို့ ကျမကို ကွန်မန့်တွေနဲ့ ချီးကျူးအားပေးသလို ဝေဖန် ဆဲရေး ခြိမ်းခြောက်တာတွေလည်း ခံခဲ့ရပါတယ်။ အဲဒီအချိန်မှာ ရွှေဝါရောင် အစပျိုးနေပါပြီ။ ဘလော့တွေနဲ့ ဘလော့ဂါတွေကိုလည်း သတိထားကြည့်ရှုနေတဲ့ အချိန်။ နောက်ဆုံး မိသားစုရဲ့ ဆန္ဒအရ ဘလော့ကို ပိတ်ခဲ့လိုက်ပြီး သွားဖို့အမြဲတမ်း ငြင်းဆန်ခဲ့တဲ့ ဗြိတိန်နိုင်ငံကို သွားမယ်လို့ ဆုံးဖြတ်ခဲ့ပါတယ်။ မှတ်မှတ်ရရ စက်တင်ဘာ ၁၀ ရက်မှာ ဘလော့ပိတ်ခဲ့ပြီး တလမကြာပါဘူး၊ အောက်တိုဘာ ၆ ရက်မှာ ဗြိတိန်ကို ကျောင်းသားဗီဇာနဲ့ ထွက်ခဲ့ပါတယ်။ တချို့က ကျမကို မီဒီယာကို ခုတုံးလုပ်ပြီး အင်္ဂလန်သွားတာလို့ အမနာပ ပြောခဲ့ကြတယ်။ အမှန်တကယ်က ကျောင်းလျှောက်ပြီး ကျောင်းသားဗီဇာနဲ့ တရားဝင်သွားခဲ့ခြင်း ဖြစ်တဲ့အပြင် ဟိုရောက်တော့လည်း ဘာအခွင့်အရေးမှ မယူခဲ့ပါဘူး။ (ဆိုလိုတာက Asylum မလျှောက်ခဲ့ပါဘူး) နေထိုင်ခွင့် ဗီဇာမကုန်ခင်မှာပဲ ရန်ကုန်က အစ်မကြီး နေမကောင်းလို့ မြန်မာပြည် ပြန်လာခဲ့တာပါ။
.
ရွှေဝါရောင်တော်လှန်ရေးမှာ ဘလော့ဂါတွေဟာ အစိုးရက စောင့်ကြည့်ခံခဲ့ရတဲ့ သူတွေ ဖြစ်ခဲ့တယ်။ ကျမ အင်္ဂလန်ရောက်ပြီး မကြာခင် နေဘုန်းလတ် အဖမ်းခံရတဲ့ သတင်းကို စိတ်မကောင်းစွာ ကြားခဲ့ရပါတယ်။
.
ဘဝထဲက ဘလော့
*
အင်္ဂလန်ရောက်ခါစ ကွန်ပျူတာ မရှိတာကြောင့် ဘလော့မရေးနိုင်ပါဘူး။ ကျောင်းစာကြည့်တိုကက ကွန်ပျူတာကလည်း မြန်မာစာ အင်စတောလုပ်ခွင့် မရှိပါဘူး။ ဒါနဲ့ပဲ ကိုရန်အောင်က ကူညီပေးမယ်ဆိုလို့ စာရွက်ပေါ်မှာ လက်ရေးနဲ့ချရေး၊ ဘားဂလစ်နဲ့ ရိုက် ပြီး သူ့ဆီပို့ သူက မြန်မာလို ပြန်ရိုက်ပေးပြီး ကျမဆီ ပြန်ပို့၊ အဲဒါကို ကော်ပီလုပ်ပြီး မြန်မာစာ မမြင်ရတဲ့ စက်မှာ လေးထောင့်ကွက်တွေကို ရေတွက်ရင်း ဘလော့ရေးခဲ့ရဖူးတယ်။ ဗြိတိန်ရဲ့ ဆောင်းရာသီအချိန် ... ညဘက် အပူပေးစက် ပိတ်လိုက်လို့ အေးစက်နေတဲ့ စာကြည့်တိုက်ထဲမှာ သန်းခေါင်ကျော်လောက်ထိ နေပြီး ခိုက်ခိုက်တုန်စွာ ဘလော့ရေးခဲ့ရတဲ့ နေ့ရက်တွေကို ပြန်ပြောရင် ဇာတ်နာတယ်များ ဆိုနေမလား။
.
ကျောင်းအိပ်ကျောင်းစား နေရတဲ့ ကျောင်းမှာ တပတ်တခါ ကျောင်းက ဟိုဟိုဒီဒီ စရိတ်ငြိမ်း လိုက်ပို့တာကို မလိုက်ဘဲ စနေတနင်္ဂနွေဆိုရင် အမလတ် အိမ်ကို အပြေးပြန်ပြီး သူ့ကွန်ပျူတာနဲ့ ဘလော့ရေးခဲ့တဲ့ အထိ ဘလော့ကို စွဲလမ်းခဲ့တယ်။ အချိန်ပိုင်း အလုပ်ကလေးရတော့ ပထမဆုံးရတဲ့ လစာနဲ့ တိုရှီဘာလက်ပ်တော့လေး ဝယ်ပြီးတဲ့နောက် ဘလော့ကို စိတ်တိုင်းကျ ပြန်ရေးလိုက်တာ အဲဒီနှစ်က စာမေးပွဲတောင် ကျလို့။ ကျောင်းအိပ်ကျောင်းစားကနေ ဦးရီးတော်အိမ်ကိုရောက်၊ အဲဒီမှာ အင်တာနက်တပ်မထားတော့ ဖုန်းလိုင်းနဲ့ခိုးသုံးပြီး ဦးရီးတော် အငြိုငြင် ခံခဲ့ရသေးတယ်။ နောက်တော့ မိုဘိုင်းအင်တာနက် ဝယ်သုံးပြီး ကွန်နက်ရှင် ခပ်နှေးနှေးနဲ့ ဘလော့ဂင်းခဲ့ရတယ်။
.
ဘလော့ခေတ် ကုန်ပြီလား ...
*
ဖေ့စ်ဘွတ်ခ်လို လူမှုကွန်ရက်စာမျက်နှာတွေ ပေါ်ပေါက်လာချိန်မှာ ဘလော့ရေးသူတွေ အတော်နည်းသွားတယ်။ အရင်က တက်တက်ကြွကြွ ရေးခဲ့သူတွေလည်း သိပ်မရေးဖြစ်တော့ဘဲ active မဖြစ်တော့တဲ့ ဘလော့တွေ များလာခဲ့တယ်။ ကိုယ်တိုင်လည်း ဘယ်နေရာရောက်ရောက် ဘလော့ကို မရေးဘဲ မနေနိုင်အောင် စွဲလမ်းခဲ့ရာက တဖြည်းဖြည်းနဲ့ စွဲလမ်းစိတ် လျော့နည်းလာသလို ဘလော့ခေတ်ကလည်း မှေးမှိန်လာခဲ့ပါတယ်။ ဘလော့ကို ဘဝတခုလို ထင်မှတ်ခဲ့ရာက ဘလော့ဟာ ဘဝမဟုတ်မှန်း သိလာခဲ့ပြီပေါ့။
.
ဘလော့နိဂုံး
*
ဒီလိုနဲ့ပဲ တနှစ်ပြီးတနှစ် အသက်ကြီးပြင်းရင်း တချိန်မှာတော့ ဘလော့လေးနဲ့ ခွဲခွါရမယ့် အချိန်ရောက်လာပါလိမ့်မယ်။ အဲဒီအခါမှာ တချိန်က တွေးမိတွေးရာ ရေးမိရေးရာတွေ ရေးခဲ့တဲ့ မေဓာဝီ ဆိုသူကို ကျန်ရစ်သူတွေက သတိရချင်လည်း ရမယ် ... မေ့ချင်လည်း မေ့သွားကြမှာပါပဲ။ ဒါကိုက သဘာဝတွေပဲ မဟုတ်လား။ မေဓာဝီကို သိသူ မသိသူ ချစ်သူ မုန်းသူ ဘယ်လိုမှ မနေသူ အားလုံးအတွက် ပျော်ရွှင်ဖွယ် နေ့ရက်လေး ဖြစ်ပါစေလို့ 310816 ဘလော့ဒေးမှာ ဆုတောင်းလိုက်ပါတယ်။
***
မေတ္တာဖြင့် ...
မေဓာဝီ
၃၁ သြဂုတ် ၂၀၁၆

Read More...

Friday, July 29, 2016

သူ ... ပျော်ရွှင်ပါစေ …


သူနှင့်ကျမ အမှတ်တရ နေ့လေးတွေတိုင်းတွင် နှစ်ယောက်အတူ ရှိမနေသည်က များလှသည်။ ယခုလည်း မကြာခင် အချိန်ပိုင်းမှာ သူ့မွေးနေ့ကို ရောက်တော့မည်၊ သူနှင့်ကျမက တယောက်တနေရာစီ။
.
တကယ်တော့ တနေရာစီ ဝေးကွာနေပေမဲ့ နှစ်ယောက်သား အတူရှိနေသည်နှင့် သိပ်တော့ မထူးခြားလှပါ။ အိပ်ရာဝင် အိပ်ရာထ၊ အလုပ်ဆင်း အလုပ်တက်၊ ကော်ဖီချိန် ထမင်းစားချိန်၊ ရထားပေါ် တက်ခ်စီပေါ်အထိ မက်ဆေ့ခ်ျပို့ရင်း စကားပြောရင်း ခွဲခွါနေ့များကို နွေးထွေးစွာ ကျော်ဖြတ်ခဲ့ကြသည်။
.
တဦးနှင့်တဦး အားလပ်ချိန် မတူကြလျှင်လည်း အကြောင်းမဟုတ်။ အတူတူ နှစ်ယောက်သား ဟိုဟိုဒီဒီ သွားလာခဲ့စဉ် ရိုက်ကူးထားခဲ့သော ဓာတ်ပုံလေးများကို ပြန်ကြည့်ရင်း အလွမ်းပြေခဲ့ကြရသည်။ ဒီလိုလုပ်ကြရအောင်ဟု တိုင်ပင်ထားကြသည် မဟုတ်ဘဲ နှစ်ဦးသား အလေ့အထတို့ တိုက်ဆိုင်ကြခြင်းသာ။
.
ကျမက ရန်ကုန်မှာ အလုပ်ပြန်လုပ်နေပြီမို့ သူရှိရာသို့ မသွားနိုင်တော့ သူက ခွင့်ရရင် ရသလို ကျမထံ ပြန်လာရလေပြီ။ ကျမက စင်္ကာပူနိုင်ငံ၏ ကြပ်တည်း ကျဉ်းမြောင်းသော အခန်းငယ်လေးထဲတွင် နေထိုင်ရ အသားမကျနိုင်သည်ကြောင့် သူ့ကိုသာ ပြန်လာရန် တောင်းဆိုထားရ၏။


ဟိုအရင်အခေါက်တွေ သူပြန်လာစဉ်မှာတော့ ကျမတို့နှစ်ယောက် အိမ်နားက ဟိုတယ်မှာ တည်းရင်တည်း ခရီးတွေ ထွက်ရင်ထွက် … နေရေးထိုင်ရေး အဆင်မပြေသေး။ ဒီတခေါက်မှာတော့ ကျမမိဘများ ကျေးဇူးကြောင့် နေထိုင်စရာ အိမ်ခန်းကလေး ရှိခဲ့ပြီ။ သူ ပြန်မလာခင် အိမ်ကလေးကို ပြုပြင် သန့်ရှင်းစေပြီး လိုအပ်သည့် ပစ္စည်းလေးတွေ ဝယ်ထည့်ခဲ့ရသည်။ အိမ်ထောင်ကျပြီး တနှစ်ကျော်မှ ခန်းဝင် ပစ္စည်းဝယ်ရတဲ့ အဖြစ်။ 


ဘာပဲဖြစ်ဖြစ် နှစ်ယောက်လုံး ပျော်ကြသည်။ သူကတော့ ပိုပျော်လိမ့်မည်လား မသိ။ ထိုအိမ်လေးမှာ နေ့သည့် လေးငါးရက်တွင် နေ့စဉ် ဈေးသွား ချက်ပြုတ် လျှော်ဖွပ် သိမ်းဆည်း ဘုရားဝေယျာဝေစ္စပါ လုပ်ရင်း ကြည်နူး ကျေနပ်နေလေသည်။ ခွင့်ရက်မှာ အအိပ်မက်သည့်သူက ကျမ မနက်စောစော ၆ နာရီခွဲ ကျောင်းသွားရန်အတွက် ငါးနာရီခွဲသာသာမှာ အိပ်ရာက ထနေရပြီ။ သူ့ကိုပါ ကျောင်းမှာ လက်တွေ့ သင်ခန်းစာများ သင်ကြားစေတော့ ကျောင်းဆရာလုပ်ခဲ့ဖူးသည့် သူက ဆရာပိုး ပြန်ဝင်ပြီး တက်ကြွနေခဲ့သည်။ နှစ်ယောက်ဆုံတွေ့ချိန်က ခဏလေးပေမဲ့ ကြည်နူး ချမ်းမြေ့ဖွယ်။
.
သူ ပြန်သွားပြီး နောက်လတွင် တခေါက်လာရန် စီစဉ်ရင်း ပျော်ရွှင်နေခဲ့သည်။ သူ့ကို အမြဲ ပျော်စေချင်ပါသည်။ လုပ်ငန်းခွင်တွင် သူ ပင်ပန်းလွန်းသည်။ သူ့ဘဝ တလျှောက်လုံးလည်း ပင်ပန်းခဲ့တာတွေ များလှပြီ။ ကျမနှင့်အတူ လက်တွဲလျှောက်လှမ်းသည့် ဘဝခရီးတလျှောက် သူ စိတ်ချမ်းမြေ့ ပျော်ရွှင်စေရမည်ဟူသည့် စကားလက်ဆောင်လေးကို သူ့မွေးနေ့ အမှတ်တရ အဖြစ် ပေးအပ်နှင်းဆက် လိုက်ပါတော့သည်။
.
ချစ်တဲ့ အကို ပျော်ရွှင်ပါစေ

ချစ်သော
မေ
29.07.16

Read More...

Wednesday, July 20, 2016

အဖေ့မွေးနေ့အတွက် …

ဝါဆိုလသည် အမှတ်တရများစွာဖြင့် ပြည့်လို့နေပေသည်။ ဝါဆိုလပြည့်ကျော်တရက်က အဖေ့မွေးနေ့။ ဒီကနေ့ အဖေ ၇၁ နှစ်ပြည့်သည်။ အဖေ့မွေးနေ့ပေါင်းများစွာ အဖေ့အနားမှာနေခဲ့ပြီး မွေးနေ့ပွဲလေးတွေ ဆင်နွှဲခဲ့ကြဖူး၏။ ယခုတော့ အဖေက အဝေးမှာမို့ မနက်စောစော အဖေ့ထံ ဖုန်းခေါ်၍သာ မွေးနေ့ဆုတောင်း စကားပြောနိုင်ခဲ့သည်။ စကားပြောဆိုအပြီး နှုတ်ဆက်ကာ ဖုန်းမချခင် အဖေက သာဓုခေါ်ခဲ့သည်။
.
''သမီးက မနေ့က ဥပုသ်စောင့်ထားတော့ သီလရှင်လေးပေ့ါ'' ဟု အဖေက ချစ်စနိုးပြောသည်။ မနေ့က ဝါဆိုလပြည့်မို့ န၀င်္ဂသီလယူကာ ဥပုသ်စောင့်ဖြစ်ပြီး ဒီကနေ့ မနက်စောစော အလုပ်ပြန်စသည်မို့ အဖေ့မွေးနေ့အတွက် အထူးတလည် ချက်ပြုတ် ဆွမ်းလောင်းခြင်း မပြုနိုင်။ မုန့်ပုံးနှင့် ဝတ္ထုငွေသာ ကပ်လှူနိုင်ခဲ့သည်။ အဖေကတော့ အဖေ့အတွက် မည်သည့်ကုသိုလ်ကို မည်သို့ပင်ပြုစေကာမူ ကျေနပ်နေသည်သာ။ အဖေသည် သူ့ကို နားအလည်ဆုံး၊ ခွင့်အလွှတ်နိုင်ဆုံးသူပါပဲ … ။

ပြီးခဲ့တဲ့နှစ် အောက်တိုဘာလက အဖေနှင့်အမေရှိရာ ဖလော်ရီဒါသို့ လိုက်သွားစဉ် ရုတ်တရက် အူအတက်ခွဲစိတ်ခဲ့ရသည်။ တညလုံး ဗိုက်အောင့်၍ နာကျင်စွာခံစားနေစဉ် အဖေက ကြင်နာစွာ ပြုစုပေးခဲ့သည်။ ဆေးရုံမှဆင်းပြီး နောက်ပိုင်းလည်း သောက်ရသည့် ဆေးပေါင်းများစွာကြောင့် အစားပျက်ကာ အန်ဟယ် အော့ဟယ် ဖြစ်တိုင်း အဖေက အန်ထားသည့် အညစ်အကြေးများကအစ သန့်ရှင်းပေးခဲ့သည်။ ထိုစဉ်က အမေကလည်း နေသိပ်မကောင်း၍ အဖေ့မှာ အမေ့ကိုရော သူ့ကိုပါ မနားရအောင် ပြုစုပေးရရှာလေသည်။
.
“အဖေ့ကို အားနာတယ်” … ဟု သူကပြောတော့ အဖေက … “သမီးလေးကို ပြုစုပေးရလို့ အဖေက ဝမ်းသာနေတာ” ဟု ပြောလေသည်။ လူမမာတယောက် ပြုစုရခြင်းကို အလုပ်ရှုပ်သည်ဟု မမြင်ဘဲ အဖေတို့ အနားမှာနေတုန်း သမီး ခုလိုဖြစ်တာ ကံကောင်းတယ်ဟုလည်း တဖွဖွပြောသေးသည်။
***
အဖေက လောဘနည်းသူ၊ ဒေါသနည်းသူ၊ သည်းခံနိုင်စွမ်းရှိသူ၊ ရောင့်ရဲတင်းတိမ်တတ်သူ၊ ကိုယ့်အတွက်ထက် တဖက်သားကို ပိုမိုကြည့်သည့်သူ၊ သူတို့တွေကို ဘာသာရေးမျက်စိ ဖွင့်ပေးခဲ့သူ၊ ဗုဒ္ဓအဘိဓမ္မာတရားတော်နှင့် မိတ်ဆက်ပေးခဲ့သူ၊ မိရိုးဖလာလွန် ဗုဒ္ဓဘာသာဝင်တွေ ဖြစ်အောင် သင်ပြပေးခဲ့သူ။ အဖေ့ကြောင့် မြန်မာစာပေနှင့် ကဗျာတွေကို ချစ်မြတ်နိုးတတ်ခဲ့သည်။ အဖေ့ကြောင့် မြန်မာသံစဉ်ဂီတတွေကို ခံစား နားဆင်တတ်ခဲ့သည်။ အဖေ့ကြောင့် မျိုးချစ်စိတ် ရှိခဲ့သည်။ အဖေ့ကြောင့် အမှားအမှန်ကို ဝေဘန်ပိုင်းခြားနိုင်စွမ်း အထိုက်အလျောက် ရရှိခဲ့ပါသည်။
.
ဖလော်ရီဒါမှာ ရှိနေစဉ် အဖေ့ထံမှာ ပဋ္ဌာန်းသင်ခဲ့ရသည်။ “အသုံးချအဘိဓမ္မာ ပဋ္ဌာန်းဒေသနာ” ဟု အမည်တပ်၍ အဘိဓမ္မာ အခြေခံသိရုံဖြင့် ပဋ္ဌာန်းကို အကြမ်းမျဉ်း နားလည်နိုင်အောင် အဖေက သင်ပေးခဲ့သည်။ အဘိဓမ္မာကို စာတွေ့တွင်မဟုတ်ဘဲ လက်တွေ့အသုံးချနိုင်အောင် အဖေက နည်းလမ်းပြပေးခဲ့သည်။ ပဋ္ဌာန်းမြန်မာပြန်ကို ဇယားဖြင့် စီစဉ်ပေးထားသဖြင့် အလွယ်တကူနားလည်စွာ ရွတ်ဖတ်နိုင်စေခဲ့သည်။
.
အမေရိကန်နိုင်ငံမှာ ရုပ်ဝတ္ထု ပစ္စည်းတွေ ပြည့်စုံသည့်တိုင် အဖေက မြန်မာပြည်ကို တမ်းတစွာဖြင့် “ဆရာလည်း မရှိ တပည့်လည်းမရှိတဲ့ အရပ်မှာ ကြာရှည်မနေချင်ဘူး” ဟု တခါတရံ ညည်းတွားရှာသည်။ အမေရိကန်နိုင်ငံမှာက အဖေသိလိုသည့် ဘာသာရေးဆိုင်ရာ မေးခွန်းများကို မေးမြန်းရမည့် ဆရာရင်းမရှိ၊ အဖေ့ထံမှ လိုလိုလားလား သင်ယူချင်သည့် တပည့်လည်းမရှိ။ မြန်မာပြည်မှာတော့ အဖေ့မှာ ဆရာတွေရော တပည့်တပန်းတွေပါ ပေါများလှပါသည်။ အဖေမရှိသော်လည်း အဖေ့တပည့်တွေက မကြာခဏ ဖုန်းဆက်ကြ သတင်းမေးကြသည်။ သီတင်းကျွတ်ဆိုလျှင် ဆရာ့ကို အဝေးမှ ကန်တော့လိုက်ပါကြောင်း အမှာစကား ပါးကြသည်။ အဖေကလည်း အဖေ့ဆရာတွေကို ရံဖန်ရံခါ သမီးတွေမှ တဆင့် ကန်တော့စေသည်။ အဖေက ဆရာတွေကို ချစ်တော့ အဖေ့ကိုလည်း တပည့်တွေက ချစ်ကြသည်ပင်။
.
အဖေ့ကို သက်ရှည်ကျန်းမာစွာ ကျမ်းစာများ ပြုစုရေးသားစေချင်ပါသည်။ ရှားပါးကျမ်းစာအုပ်တွေ ပြန်ဖော်ထုတ် ပုံနှိပ်လိုသည့် အဖေ့ကိုတော့ သူတို့တတွေ ဝိုင်းတားထားရသည်။ စာအုပ် အုပ်ရေတထောင်ထုတ်လို့မှ ငါးရာမကုန်နိုင်သည့် ခေတ်ကာလဝယ် အဖေပြန်လည် ရိုက်နှိပ်လိုသည့် စာအုပ် ကျမ်းလေးကြီးတွေက အရောင်းထိုင်းမှာ၊ ငွေအိပ်နေမှာ၊ ဂိုထောင်မှာ စာအုပ်တွေပုံနေမှာဟု သူတို့က တားမြစ်ကြသည်။ အဲဒီစာအုပ်တွေ အီးဘွတ်လုပ်ထားလို့ရတာပဲဟုဆိုတော့ အဖေက သိပ်မကြိုက်ချင် အင်တင်တင်။ ခေတ်ကာလ အခြေအနေကို အဖေနားလည်နိုင်မည် ထင်ပါသည်။
.
အဖေ အမြတ်နိုးဆုံး တန်ဖိုးအထားဆုံးက စာအုပ်များပင် ဖြစ်သည်။ စာအုပ်ချစ်မြတ်နိုးသော အဖေက တချိန်က လျှမ်းလျှမ်းတောက်ခဲ့သည့် ဟံသာဝတီ၏ မျိုးဆက်ဖြစ်နေသည်မှာ ဂုဏ်ယူစရာ။ သို့ပေသိ ယခုအခါ၌ ဟံသာဝတီ ဟူသည် စာရွက်ပေါ်တွင် အမည်သာရှိတော့သည်မှာ နှမြောစရာ။ ဟံသာဝတီ စာအုပ်တိုက် သတင်းစာတိုက် မျိုးဆက်ဖြစ်သည့်အတွက် စာအုပ်စာတမ်း အဖေ့မှာ ပေါများလှသည်။ အရင်ကတော့ ကိုယ်ပိုင်စာကြည့်တိုက်ကလေး လုပ်ထားခဲ့ပြီး စာအုပ် အမျိုးအစား စုံလင်အောင် ဖြည့်တင်းထားခဲ့သည်။ အဖေ့၏ စာအုပ်ဗီရိုတွေထဲမှ များပြားလှစွာသော စာအုပ်များသည် သူတို့အတွက် ငယ်စဉ်ကနေ ယခုတိုင် စိတ်အာဟာရ ဖြစ်ခဲ့ရသည်။
.
အဖေက သူစုဆောင်းထားခဲ့သော စာအုပ်များကို အလွန်တန်ဖိုးထားလေသည်။ အမေရိကန်နိုင်ငံသို့ သွားရတော့မည် ဆိုတော့ အဖေက ကြွေကျမတတ် ဖြစ်နေသော ရှေးစာအုပ်များကို ကိုယ်တိုင် အဖုံးချုပ် ကော်ကပ်ကာ စနစ်တကျ သိမ်းဆည်းခဲ့သည်။ တခြားစာအုပ်တွေထက် ဘာသာရေးစာအုပ်များကို ပိုမြတ်နိုးသော အဖေက ဘာသာရေးစာအုပ်များကို ဘယ်သူ့မှ မငှားနဲ့နော် ဟု မှာထားသေးသည်။ စာအုပ်များစွာ သယ်မသွားနိုင်သည်မို့ အဖေလိုချင်သော စာအုပ်ဆိုလျှင် မရရအောင်ရှာဝယ်ပြီး စာတိုက်မှဖြစ်စေ လူကြုံဖြင့် ဖြစ်စေ ပို့ပေးရသေးသည်။
.
အဖေမြတ်နိုးတဲ့ စာအုပ်များရှိရာ အဖေချစ်သော မြန်မာပြည်မှာ အဖေနှင့်အတူ ရှိကာ အဖေနှစ်သက်သော မြန်မာ အစားအစာတွေ ချက်ကျွေးချင်ပါသေးသည်။ သို့ပေမဲ့ တဘက်က ကြည့်လျှင်တော့ ခေတ်မီပြည့်စုံသော ဆေးဝါး၊ ကျန်းမာရေးနှင့် ညီညွတ်သော အစားအသောက်များ၊ အပူအအေး မျှတစွာ နေထိုင်နိုင်ခြင်းနှင့် ရေ မီး ကြောင့်ကြရန်မလိုခြင်း၊ ခြင် ယင် ကြွက် ပိုးဟပ် စသည့် သတ္တဝါများ ရန်မှ ကင်းဝေးခြင်းတို့ကြောင့် ထိုတိုင်းပြည်တွင် ဆက်လက် နေထိုင်စေချင်မိပြန်သည်။
.
တကယ်တော့ နေရာဒေသ နီးခြင်းဝေးခြင်းက အဓိက မဟုတ်ပါလေ။ အဖေ နေကောင်း ကျန်းမာ သက်ရှည်စွာဖြင့် ဘာသာ သာသနာ အကျိုးကို ဆောင်ရွက်နိုင်လျှင်ဖြင့် မည်သည့်နေရာမှာနေနေ အဓိပ္ပါယ်ရှိသော နေထိုင်ခြင်း ဖြစ်သည့်အတွက် သူတို့လည်း ခွဲခွါရကျိုးနပ်ပေမည် မဟုတ်လား။
.
ချစ်သော အဖေ
သက်ရှည် ကျန်းမာ ပျော်ရွှင်ပါစေ
. . . .
အဖေ့ချစ်တဲ့ သမီးငယ်
***
20.07.16
ဝါဆိုလပြည့်ကျော် တရက်
ဗုဒ္ဓဟူးနေ

Read More...

Sunday, July 03, 2016

ပန်းစကား




ပန်းစကား
 ***
ပန်းစကား
နမ်းမလား မေ ... ၊
အပွင့်ရွှေဝါရောင်နဲ့
ပင်မြင့်ခေါင် တောင်ပုပ္ပါးမှာ
သင်းပျံ့လို့ဝေ ... ။
 .
ဗျတ္တပန်းဆက်ရာမြေ
ညင်းလေပြေ ဆော်အသွေး၊
တောင်ခိုးတဝေဝေနဲ့
မှောင်မိုးစွေ ရာသီလွမ်းမှာ
ပန်းရနံ့မွှေး ...  ။ ... ။
***
မေဓာဝီ
၃ ဇူလိုင် ၂၀၁၆
(ခေတ္တ ပုပ္ပါး)

Read More...

Saturday, May 21, 2016

သုံးနားညီ ...


သုံးနားညီ
***
မိုးရေရ၍
စိမ်းမြနေသော
သစ်ပင် တော။...
.
နေရောင်ခ'၍
ဝင်းပနေသော
သစ်ပင် တော။
.
လေပြေသ'၍
ယိမ်းကနေသော
သစ်ပင် တော။
.
မိုး နှင့် နေ လေ
သုံးထွေ ညီမျှ
အစဉ်ရမှ
သာစွရှုမော
စိမ်းစို တော။ ။
 
*** 
မေဓာဝီ
20.05.16
07.06

Read More...

Monday, May 16, 2016

မိုးမျှော်တေး ...


မိုးမျှော်တေး
***
မြရည်စိုလူး
ပိတောက်ဖူးလည်း
မိုးဦးမျှော်ရ ...
ကြာလှပြီ။
.
ခရမ်းရောင်သန်း
ပျဉ်းမပန်းလည်း
လွင့်နွမ်းကြွေကျ
မြေခပြီ။
.
ဝါနုရောင်ဖြာ
ပန်းငုဝါလည်း
ပူဗျာပါကျွမ်း
ညှိုးနွမ်းပြီ။
.
မိုးကိုမျှော်လည်း
မိုးဖွဲမစွေ
မိုးရေမစွတ်
မိုးငတ်မွတ်သော
ဝန်းကျင်တောမှာ
မိုးရွာစေရေး
တေးဖွဲ့သီ။
***
မေဓာဝီ
16.05.16

Read More...

Thursday, May 05, 2016

သို့ ... / မှ ... ချစ်သူ


သတိရရင်
ကောင်းကင်ကို မော့ကြည့်
တိမ်တွေလို ရှိနေမှာ။
.
နီးတခါ ဝေးတလှည့်
အတူရှိခဲ့တဲ့ နေ့များ
အားတဲ့အခါ လွမ်းနေပါ။
.

 ပြက္ခဒိန်တခုဟောင်း
ရက်မှ နှစ် ပြောင်းသွား  
အမှတ်တရနေ့များကို သတိရပါ။
.
အလုပ်ခွင်မှာ ဂရုစိုက်
အိပ်ငိုက်ရင် သီချင်းဆို
စိတ်ကို ပျော်အောင်ထားပါ။
.

ပြန်ဆုံဆည်းမယ့်ရက်
လက်ချိုးရေတွက်ကာ
စိတ်ကူးနဲ့ ကြည်နူးပါ။
.
သတိရရင် ... 
မြေပြင်ကို ငုံ့ကြည့်
အရိပ်ကလေးလို ရှိနေမှာ။
***
မေဓာဝီ
၀၅၊ ၀၅၊ ၂၀၁၆

Read More...

Friday, April 29, 2016

အမှားမမြင်စေဖို့ အမှားပြင်စေလို

ဆရာမခင်သန္တာရဲ့ စာပေဟောပြောပွဲ ဗီဒီယိုဖိုင်လေးကို အတော်များများ ဖေ့စ်ဘွတ်ပေါ်မှာ ရှယ်ထားကြတာ တွေ့ပေမဲ့ မအားတာနဲ့ နားမထောင်ဖြစ်သေးဘူး။ ဒါပေမဲ့ ရှယ်တဲ့လူက နှစ်မျိုးနှစ်စား ဖြစ်နေတာ တွေ့ရလို့ စိတ်ဝင်စားတာနဲ့ နားထောင်ဖြစ်သွားပြီး ဒီစာကို ရေးပါတယ်။
.
သူပြောသွားတာကတော့ အောက်ပါအတိုင်းပါပဲ။
.
“ဒီနေ့ခေတ် … ဒီနေ့ခေတ်ဆိုတာ သိပ်မကြာခင်က ပြီးခဲ့တဲ့ခေတ်ရဲ့ ပညာရေး ကျမတို့မကြိုက်ပါဘူးနော်၊ ကျမလည်း မကြိုက်ပါဘူး။ ပညာရေးဟာ စုတ်ပြတ်တယ် နိမ့်ကျတယ် အဆင့်မရှိဘူး နိုင်ငံတကာနဲ့ ယှဉ်ရင် ဆိုပြီး ဖြစ်ကြတယ်။ ကျောင်းသားတွေ ခေတ်အဆက်ဆက် ဆန္ဒပြကြတယ်။ ပညာရေးနဲ့ပတ်သက်ပြီး အခြေခံဥပဒေတွေ ပြန်ရေးဆွဲချင်ကြတယ်၊ လက်ခံပါတယ်၊ ကျမတို့နိုင်ငံ ပညာရေး မကောင်းပါဘူး။ ဒါပေမဲ့ ကျမ တခုလောက်မေးချင်တာ အဲဒီ စုတ်ပြတ်ပါတယ်ဆိုတဲ့ ပညာရေး အဆင့်မမီပါဘူးဆိုတဲ့ ပညာရေးကို အဲဒီကျောင်းသားတွေ ဆုံးခန်းတိုင်အောင် သင်ပြီးကြပြီလား … အသုံးမကျပါဘူးဆိုတဲ့ အဲဒီတက္ကသိုလ်ကနေ ပေးထားတဲ့ ပညာ ဘွဲ့တခုကို ယူပြီးကြပြီလား”
.
ကျမ နားလည်ထားတာကတော့ ကျောင်းသားဆိုတာ အတန်းပညာပြီးဆုံးအောင် သင်ယူနေဆဲသူကို ဆိုလိုတာလို့ ယူဆပါတယ်။ ပညာကို ဆုံးခန်းတိုင်အောင် သင်ပြီးသူ ဘွဲ့ရပြီးသူ တယောက်ဟာ ကျောင်းသား မဟုတ်တော့ပါ။ ဒါကြောင့် စုတ်ပြတ်သတ်ပါတယ်ဆိုတဲ့ ပညာရေးကို ကျောင်းသားတွေ ဆုံးခန်းတိုင်အောင် သင်ပြီးပြီလား … … … ဘွဲ့တခုကို ယူပြီးကြပြီလား ဆိုတဲ့ မေးခွန်းဟာ လွဲနေတယ်လို့ မြင်တာပါပဲ။ ဒီလိုနဲ့ ဆက်နားထောင်တော့ …
.
“ဥပမာလေး တခုပြောပါမယ်။ ကျမတို့ သိပ်ချစ်တဲ့ ကျမတို့ရဲ့ လွတ်လပ်ရေးဖခင်ကြီး ဗိုလ်ချုပ်အောင်ဆန်းက ၁၉၃၆ ခုနှစ်မှာ တက္ကသိုလ်မှာ ကျောင်းသားသပိတ်မှောက်ပါတယ်။ သူဦးဆောင်ပြီး သပိတ်မှောက်ပါတယ်။ ဒါပေမဲ့ … ဘာလို့သပိတ်မှောက်လဲ အဲဒီကျွန်ပညာရေးလို့ သတ်မှတ်တဲ့ အင်္ဂလပ်တွေ သင်ပေးတဲ့ တက္ကသိုလ်ရဲ့ ပညာရေးကို ကျွန်ပညာရေးလို့ သတ်မှတ်သည် ဖြစ်တဲ့အတွက် ကျောင်းသားတွေက ကျွန်ပညာရေး အလိုမရှိ ဒီပညာရေး အလိုမရှိဆိုပြီး သပိတ်မှောက်တာ၊ ဗိုလ်ချုပ်အောင်ဆန်းက ဦးဆောင်ဦးရွက်နဲ့ ၁၉၃၆ ခုနှစ်မှာ ပါဝင်ခဲ့တယ်”
.
ဆရာမဟာ ပထမကျောင်းသား သပိတ်နဲ့ ဒုတိယ ကျောင်းသားသပိတ်ကို ရောနေဟန်ရှိပါတယ်။ ဗိုလ်ချုပ်တို့ သပိတ်မှောက်တဲ့ ၁၉၃၆ ခုနှစ်က ဒုတိယကျောင်းသား သပိတ်ပါ။
.
၁၉၂၀ ပထမကျောင်းသားသပိတ် ဖြစ်ပေါ်လာပုံကို အရင်ပြောရရင် ဘုရင်ခံ ကရက်ဒေါက် ရေးဆွဲတဲ့ ရန်ကုန်တက္ကသိုလ် အက်ဥပဒေကို ကန့်ကွက်တဲ့အနေနဲ့ ကောလိပ်ကျောင်းသားတွေက သပိတ်မှောက်ကြတယ်။ ဒီဥပဒေကို ဘာကြောင့် ကန့်ကွက်တာလဲ ဆိုတော့ တက္ကသိုလ်ပညာဟာ လူတိုင်းအတွက် မဟုတ်ဘဲ လက်တဆုပ်စာ ငွေရှင် ဂုဏ်ရှင် အသိုင်းအဝိုင်း အတွက် ရေးဆွဲထားတဲ့ အက်ဥပဒေ ဖြစ်နေလို့ပါပဲ။ ဆရာမပြောတဲ့ ကျွန်ပညာရေး ဖြစ်နေလို့ ဆိုပါတော့။ အဲဒီမှာ မြန်မာစာသည် ဒို့စာ … စသဖြင့် ကြွေးကြော်ချက်တွေ ပေါ်ထွက်လာတာပါ။ တန်ဆောင်မုန်းလဆုတ် ၁၀ ရက်မှာ ကျရောက်တဲ့ အမျိုးသားနေ့ ရဲ့ အစဟာ အဲဒီ ပထမကျောင်းသားသပိတ်ကြောင့်ပါ။
.
ဒါ့ပြင် သပိတ်မှောက် ကျောင်းသားကြီးတွေဟာ ကျောင်းသားငယ်လေးတွေ ပညာသင် မပျက်စေရေးအတွက် အမျိုးသားကျောင်း (နေရှင်နယ်ကျောင်း)တွေ ဖွင့်လှစ် သင်ကြားပေးခဲ့တာကြောင့် ပထမကျောင်းသားသပိတ်ဟာ အမျိုးသားကျောင်းများရဲ့ အစ … လို့လည်း ပြောလို့ရပါတယ်။ ဗိုလ်ချုပ်ဟာလည်း ရေနံချောင်း နေရှင်နယ်ကျောင်းထွက်တယောက် ဖြစ်ခဲ့ပါတယ်။
.
ဗိုလ်ချုပ်တို့ပါဝင်တဲ့ ၁၉၃၆ ခုနှစ် ဒုတိယကျောင်းသား သပိတ်ကို ကြည့်ရအောင် … ။
အိုးဝေမဂ္ဂဇင်း ပေးစာကဏ္ဍ (Point from the letter) မှာ ပါဝင်တဲ့ ငရဲခွေးကြီး လွတ်နေသည် (The Hell Hound at Large) စာတိုလေးမှာ ရေးသူ ယမမင်း (ညိုမြ) က ငရဲပြည်ကထွက်ပြေးသွားသော ခွေးနက်ကြီး တကောင် တက္ကသိုလ်နယ်မြေတွင် သောင်းကျန်းနေပါသည်၊ တွေ့လျှင် ငရဲပြည်သို့ ပြန်ပို့ပေးလိုက်ပါ လို့ အဓိပ္ပါယ်ရတဲ့ စာကို အင်္ဂလိပ်လို ရေးသားခဲ့တယ်။ အဲဒါကို ဖော်ပြခဲ့လို့ တက္ကသိုလ်အာဏာပိုင်တွေက အယ်ဒီတာ ကိုအောင်ဆန်းကို ခေါ်ပြီး စာရေးသူကို မေးတဲ့အခါ မဖြေခဲ့တာကြောင့် ကျောင်းထုတ်ပြီး အရေးယူဖို့ စီစဉ်ကြတယ်။ အဲဒီအရင် ရက်ပိုင်းကလည်း တက္ကသိုလ်ဥက္ကဋ္ဌ ကိုနု (ဦးနု) ရဲ့ ဟောပြောချက်တခုနဲ့ ပတ်သက်ပြီး ကိုနုကို တက္ကသိုလ် အာဏာပိုင်တွေက ကျောင်းထုတ်ထားကြတယ်။ ဒါတွေကို မကျေနပ်တဲ့ ကျောင်းသားတွေဟာ ၁၉၃၆ ဖေဖော်ဝါရီမှာ ကျောင်းသားသမဂ္ဂအစည်းအဝေး ပြုလုပ်ပြီး သပိတ်မှောက်ခဲ့ကြပါတယ်။
.
ကျောင်းသားတွေဟာ ၁၉၃၆ ခုနှစ် ဖေဖော်ဝါရီ ၂၆ မှာ ရွှေတိဂုံဘုရားတောင်ဘက်မုခ်မှာ အဖွဲ့ဝင် ၃၁ ဦးပါဝင်တဲ့ သပိတ်မှောက် ကောင်စီကို ဖွဲ့စည်းခဲ့ပြီး တက္ကသိုလ်ပညာရေးရဲ့ ချို့ယွင်းချက် ၁၂ ချက်ကို ပြင်ဆင်ဖို့ တောင်းဆိုခဲ့တယ်။ တက္ကသိုလ် သပိတ်ဟာ ဟိုက်စကူးကျောင်းသားတွေကိုပါ ကူးစက်သွားတာကြောင့် နောက်ဆုံးမှာ အာဏာပိုင်တွေက ထုတ်ထားတဲ့ ကျောင်းသားတွေကို ပြန်လက်ခံရပြီး အုပ်ချုပ်ရေးအဖွဲ့မှာလည်း ကျောင်းသား ကိုယ်စားလှယ်တွေကို လက်ခံရပါတော့တယ်။
.
ဆရာမရဲ့ ဟောပြောချက်ကို ဆက်နားထောင်တော့ ...
.
“ဒါပေမဲ့ ဗိုလ်ချုပ်ကလေ ၁၉၃၇ ကျတော့ သပိတ်လှန်တယ်၊ သပိတ်လှန်တယ်ဆိုတာ သိပါတယ်နော် ဒီခေတ်ကလေးတွေ … ။ မမှောက်တော့ဘူးပေါ့။ ဒီပညာရေးကို မဆန့်ကျင်တော့ဘူးဆိုပြီးတော့ သပိတ်လှန်တယ်။ ၃၆ မှာ သပိတ်မှောက်တယ်။ ၃၇ မှာ သပိတ်လှန်တယ်။ ၁၉၃၈ ခုနှစ်မှာ အဲဒီမကြိုက်ပါဘူး ဆိုတဲ့ ကျွန်ပညာရေးစနစ်က ပေးတဲ့ မဟာဝိဇ္ဇာဘွဲ့ကို ရအောင်ယူခဲ့တယ်။ အဲဒီ အစိုးရက ပေးတဲ့ပညာတွေနဲ့ပဲ ဘာသာစကားတွေနဲ့ပဲ ကိုယ့်ကို အုပ်ချုပ်တဲ့သူကို သူ့အရိုးနဲ့ သူပြန်ထိုးပြီး တွန်းလှန်ခဲ့တယ်”
.
တကယ်တမ်း သပိတ်လှန်တာက ကျောင်းသားတွေရဲ့ တောင်းဆိုချက်အများစုကို အင်္ဂလိပ်အစိုးရက လိုက်လျောပေးတဲ့အတွက် ၁၉၃၆ မေလ ၁ ရက်မှာ သပိတ်လှန်ခဲ့တာပါ။ ကျောင်းသားတွေ အဓိက တောင်းဆိုတဲ့ ၁၉၂၀ ရန်ကုန်တက္ကသိုလ်အက်ဥပဒေကို ပြင်ဆင်ဖို့ သဘောတူတဲ့အပြင် ကျောင်းထုတ်ခံရတဲ့ ကိုနုနဲ့ ကိုအောင်ဆန်းကို ကျောင်းပြန်တက်ခွင့်ပေးခဲ့တယ်။ ကျောင်းအုပ် ဒီဂျေစလော့ကို အငြိမ်းစားပေးပြီး ပါမောက္ခဦးဖေမောင်တင်ကို ခန့်ထားလိုက်တာကြောင့် ဦးဖေမောင်တင်ဟာ တက္ကသိုလ်မှာ ပထမဆုံးမြန်မာလူမျိုးပါမောက္ခ ဖြစ်လာခဲ့ပါတယ်။
.
နောက်တချက်က ဗိုလ်ချုပ် ၁၉၃၈ ခုနှစ်မှာ မဟာဝိဇ္ဇာဘွဲ့ရတယ် ဆိုတဲ့ ကိစ္စကို သေချာအောင် အထောက်အထားရှာတော့ Wikipedia မှာ ခုလို တွေ့ပါတယ်။
.
In October 1938, Aung San left his law classes and entered national politics. At this point, he was anti-British and staunchly anti-imperialist. He became a Thakin (lord or Master - … ... )
.
ဝီကီပိဒိယမှာ ပါတဲ့ (lord or Master) ဆိုတာကိုများ မာစတာဘွဲ့ မဟာဝိဇ္ဇာဘွဲ့လို့ ဆရာမက အမှတ်မှားသွားတာလား။ ဗိုလ်ချုပ်အကို ဦးအောင်သန်း ရေးတဲ့ အောင်သန်းရဲ့ အောင်ဆန်း စာအုပ်ထဲမှာလဲ ခုလိုတွေ့ရပါတယ်။
.

၁၉၃၆ ခုနှစ် ကျောင်းပြန်ဖွင့်သောအခါ အောင်ဆန်းသည် တကသ၏ ဒုတိယဥက္ကဋ္ဌ ဖြစ်လာပါသည်။
... .... ...
ထိုနှစ်စာမေးပွဲ (ဘီအေ-အထက်တန်းစာမေးပွဲ) ကို မဖြေနိုင်ဘဲ နောက်နှစ် (၁၉၃၇) မှာမှ ဖြေဆိုရပါသည်။ တနည်းအားဖြင့်ဆိုလျှင် အောင်ဆန်းအဖို့ တနှစ်ပုပ်သွားပါသည်။
…. ….
အင်္ဂလိပ်စာပေ၊ ဥရောပရာဇဝင်၊ နိုင်ငံရေးဗေဒတို့ကို သင်ယူခဲ့သော အောင်ဆန်းသည် ၁၉၃၇ မတ်လတွင် ဘီအေ စာမေးပွဲကို အောင်မြင်ပါသည်။ ဘီအေအောင်သည်ထိ စာမေးပွဲ တခါမျှ မကျဘူးပေ။ သို့သော်လည်း နောက်နှစ်တွင်ကား ကျောင်းသားကိစ္စ၊ နိုင်ငံရေးကိစ္စတို့ကို အချိန်ပြည့် ဆောင်ရွက်ရသည်ဖြစ်ရာ စာကျက်ချိန် မရသဖြင့် ဘီအယ်လ်ပညာ (ဥပဒေပညာ) ပထမနှစ် စာမေးပွဲတွင် ရှုံ့းပါသည်။ အောင်ဆန်း၏ ပထမအကြိမ် ရှုံးခြင်းနှင့် နောက်ဆုံးအကြိမ် ရှုံးခြင်းပေတည်း။
***
ဆရာမက ခုလို ဆက်ပြောပြန်ပါတယ်။
.
“ဗိုလ်ချုပ်သာ ၃၆ ခုနှစ်က သပိတ်မှောက်ပြီး သပိတ်မလှန်ဘဲ ထားရင် အဲဒီလိုမျိုး လယ်ဗယ်တန်း အင်္ဂလိပ်လို ပြောရတဲ့စကားတွေ ပြောနိုင်ပါ့မလား။ အဲဒီ ပညာရေး သူ့ဟာသူ ကျွန်ပြုပြု ဘာပြုပြု ကောင်းကောင်း မကောင်းကောင်း မကောင်းဘူး ဆိုတဲ့ပညာရေးကို ဆုံးခန်းတိုင်အောင် သင်ပြီးတော့မှ ငါတို့ပညာရေးက ဒီလိုရှိရမှာ ငါတို့မြန်မာစာက ဘယ်လိုပါရမှာ ဆိုပြီး ပြောနိုင်ဖို့အတွက် မကောင်းပါဘူးဆိုတဲ့ ပညာရေးကို ဆုံးခန်းတိုင်အောင် သင်ရမယ်”
.
အဲဒါကလည်း တော်တော်လေး လွဲနေတယ် ထင်တာပါပဲ။ ဗိုလ်ချုပ်ဟာ သပိတ်လှန်သည်ဖြစ်စေ မှောက်သည်ဖြစ်စေ လူအများထဲမှာ အင်္ဂလိပ်လို public speech ပေးနိုင်ဖို့ ကျောင်းပိတ်ရက်မှာ ကိုယ်တိုင်လေ့လာခဲ့ရပါတယ်။ သပိတ်လှန်ပြီး ကျောင်းဆက်တက်ခဲ့လို့ ဗိုလ်ချုပ်က အင်္ဂလိပ်လိုတွေ လယ်ဗယ်တန်း ပြောနိုင်တာလား။ သပိတ်မလှန်ဘဲ ကျောင်းဆက်မတက်ခဲ့ရင် အင်္ဂလိပ်လိုတွေ မပြောနိုင်တော့ဘူးလား။ ဒီတခါလည်း အောင်သန်းရဲ့ အောင်ဆန်းစာအုပ်ကပဲ ကိုးကားပါရစေ … ။
.
သပိတ်မမှောက်ခင် တကသအစည်းအဝေးမှာ ဗိုလ်ချုပ်ပြောတဲ့အကြောင်းကို ဗိုလ်ချုပ်အကို ဦးအောင်သန်းက ခုလို ရေးခဲ့ပါတယ်။

ထိုနေ့က အောင်ဆန်း၏ ပြောပုံဆိုပုံသည် အထက်တွင် ဖော်ပြခဲ့သော စကားရည်လုပွဲ၌ ပြောဆိုခဲ့ပုံနှင့် ဆီနဲ့ရေ ကွာဘိသကဲ့သို့ ကွာခြားနေပါသည်။ အင်္ဂလိပ်စကားကို ရေရေလည်လည် နိုင်နိုင်နင်းနင်း ပြောဆိုနိုင်ရုံမက အချက်အလက်များသည်လည်း ထိမိရကား ကြားရသူအဖို့ ကြက်သီးမွေးညင်း ထစရာပင်၊
.
လေးနှစ် ( ၁၉၃၂ မှ ၁၉၃၆) အတွင်း အောင်ဆန်း၏ တိုးတက်မှုသည် ချီးကျူးလောက်ပေသည်။ ထိုသို့တိုးတက်လာရသည်မှာ အခြားကြောင့်မဟုတ်။ အောင်ဆန်းသည် ကျောင်းပိတ်ရက်များတွင် အလကားမနေဘဲ အက်ဒ်မန်းဘာ့ခ် (Edmund Burke)၊ ဒစ်စရေလီ (Disraeli) စသော အင်္ဂလိပ် ပါလီမန် ရာဇဝင်တွင် ထင်ရှားကျော်ကြားခဲ့သည့် ပုဂ္ဂိုလ်ကြီးများ၏ မိန့်ခွန်းကို အလွတ်လောက်နီးနီး ရအောင် ဖတ်ထားသောကြောင့် ဖြစ်သည်။
***
“အခုကျမတို့ ဒီခေတ်ကျောင်းသားတွေ အခု ကြားမှာပါ အုတ်အော်သောင်းနင်း၊ အဲဒီမကြိုက်ပါဘူးဆိုတဲ့ စုတ်ပြတ်တဲ့ ပညာရေးကို သင်မထားဘဲနဲ့ သူတို့ခေတ် သူတို့အလှည့်ရောက်တဲ့အခါမှာ ဘယ်အရာကို ဖြတ်ထုတ်မလဲ ပြော … ။ တတိယနှစ်မှာ သင်တဲ့ ရှေ့နေဦးသူ၏ စိတ်ဓာတ် မကြိုက်ဖူး ဖြုတ်မယ်လို့ ပြော အခုကျမပြောရင်တောင် သိရဲ့လား အဲဒီကျောင်းသားတွေ၊ သိရဲ့လား ၊ သိမှာမဟုတ်ဘူး၊ မလုပ်ခဲ့တာ မလေ့လာခဲ့တာ၊ အကုန်လေ့လာခဲ့ပြီးမှ ရှေ့နေ ဦးသူရဲ့ စိတ်ဓာတ်က ကောင်းတယ်ဟေ့ ဘယ်မှာ သင်မယ်၊ ဘယ်ဟာကတော့ ဖြုတ်မယ်ဟေ့လို့ ပြောလောက်အောင်က အဲဒီ စုတ်ပြတ်ပါတယ်ဆိုတဲ့ ပညာရေးကို ဆုံးခန်းတိုင်အောင် သင်၊ ဒါမှ ကိုယ့်ခေတ် ကိုယ့်အလှည့်ရောက်တဲ့အခါမှာ ဘာတွေကို ဖြုတ်မယ်၊ ဘာတွေကိုထည့်မယ် ဘာတွေကို ကောင်းမွန်အောင် လုပ်မယ် ဆိုတဲ့ အသိရှိဖို့အတွက် ဒီခေတ်လူငယ်တွေကို စင်ပေါ်မှာ ကျမ ဟောပြောတိုင်း ဟောပြောတိုင်း ထည့်ပြောဖြစ်တာ စုတ်ပြတ်တဲ့ ပညာရေးပဲ သင်ထားပါ၊ သင်ထားပါ၊ ကုန်သည်ထိ သင်ထားပါ၊ အဲဒါသင်ထားမှသာ သူတို့ရဲ့ နောက်မျိုးဆက် တဆက်ကို သူတို့ ပြန်ဦးဆောင်တဲ့အခါ ပြန်ပြောတဲ့အခါမှာ ပညာရေး အခြေခံဥပဒေဆွဲတဲ့အခါမှာ သူတို့ပြောနိုင်မှာပေါ့။ အဲလိုမှ မဟုတ်ရင် ဒီလိုပဲ မကြိုက်ဘူး မကြိုက်ဘူးဆိုတဲ့ ပညာရေး နဲ့ လယ်ဗယ်လိုက်သွားမှပေါ့။
.
ဗိုလ်ချုပ်ကိုပဲကြည့်၊ မတော်လှန်ခဲ့ရင် ၃၈ ခုနှစ်မှာ မဟာဝိဇ္ဇာဘွဲ့ ရပါ့မလား၊ ရိုးရိုးဘွဲ့မဟုတ်ဘူးနော် မဟာဝိဇ္ဇာဘွဲ့ရတာ၊ အဲဒီလို ဘွဲ့တွေရ အဲဒီပညာတွေ သိလို့သာလျှင် ကျမတို့ လွတ်လပ်ရေး ကြိုးပမ်းတဲ့အခါမှာ ဘာသာစကားကို နိုင်ငံခြားသား တယောက်လို ကျွမ်းကျွမ်းကျင်ကျင် ပြောတတ်လို့ ကျမတို့နိုင်ငံရဲ့ လွတ်လပ်ရေးကြိုးပမ်းမှုဟာ အရှေ့ကို ရွေ့ခဲ့တာ အရှေ့ကို မြန်ခဲ့တာ။ အဲဒီလို ဗိုလ်ချုပ်တို့လို မဟုတ်ဘဲ သပိတ်မှောက်ပြီး မှောက် ဘာမှမလုပ်ဘဲ ဒီပညာရေးကို မကြိုက်ဖူးဘဲ တလည်လည် တသက်လုံးပဲ သပိတ်မှောက်လိုက် တော်လှန်လိုက် သပိတ်လှန်လိုက်သာ လုပ်နေရမယ်ဆိုရင် ကျမတို့ မြန်မာနိုင်ငံရဲ့ အခြေအနေ ဒီလိုတောင် ရောက်လာမှာမဟုတ်ဘူး”
***


စင်မြင့်ထက်မှာ လက်ညှိုးလေးတထောင်ထောင်နဲ့ ပြောနေတဲ့ ဆရာမ လှလှလေးကို ကြည့်ရင်း ကျမ ရင်ပူလာမိတယ်။ သင်ရိုးညွှန်းတန်းရေးဆွဲတာနဲ့ ပညာရေးဥပဒေရေးဆွဲတာက မတူပါဘူး။ တတိယနှစ်မှာ ပါတဲ့ ရှေ့နေဦးသူ၏ စိတ်ဓာတ်ဆိုတာ သင်ရိုးညွှန်းတန်းပါ။ ဆရာမ ပြောတဲ့ အဲဒီ ရှေ့နေဦးသူ၏ စိတ်ဓာတ်ကိုလည်း ကျမလည်း မသိပါဘူး။ ဒါပေမဲ့ ကျမသိတာက … သူတို့ တောင်းဆိုချက် (၁၁) ချက်ကိုပါ။ ဘာတွေလဲဆိုတာ ဆရာမလည်း သိထားသင့်ပါတယ်။ ကျောင်းသားတွေဟာ စုတ်ပြတ်သတ်နေတဲ့ ပညာရေးကို မသင်ချင်တဲ့ အကြောင်းတခုတည်းကြောင့် သပိတ်မှောက်ခဲ့ကြတာ မဟုတ်ပါဘူး။
***
နိဂုံးချုပ်ရရင်တော့ စာပေဟောပြောပွဲ စင်မြင့်ထက်မှာ ဟောပြောနေတဲ့ ဆရာမအနေနဲ့ သမိုင်းကို ကိုးကားတယ်ဆိုရင် မှန်ကန်တိကျစေချင်ပါတယ်။ ဒါမှလည်း နောက်လူတွေ အမှတ်မမှား အမြင်မမှားမှာ မဟုတ်လား။
***
မေဓာဝီ
၂၉ ဧပြီ ၂၀၁၆
၀၀း၁၅ နာရီ
***

Read More...