Friday, March 24, 2017

သိမ်းမြစ်ထဲမှ သွေးစက်များ



“သိမ်းမြစ်ထဲမှ သွေးစက်များ”
***
လူရမ်းကားရဲ့ ကား
ပြည်သူထဲကို တိုက် -
လူရမ်းကားရဲ့ ဓား...
ပြည်သူ့ရဲကို စိုက် -
.
ရူးမိုက်လို့ပဲလား
ရူးသွပ်လို့ပဲလား
အကြမ်းဖက်ခြင်းများ
ရက်စက်ခြင်းများ
တံတားပေါ်မှာ ပြန့်ကျဲ
ပန်းတွေလည်းကြွေခဲ့ပေါ့။
.
နိုင်ငံရေး ဘာသာရေး
လူမျိုးရေး မတူညီမှုတွေကြား
အမုန်းတရားတွေ ကြီးစိုး
အညှိုးအတေးတွေ လွှမ်းခြုံ
ဘယ်မှာလည်း သုခဘုံရယ်။
.
လုံခြုံမှုရှိတဲ့နေရာ
ကမ္ဘာမှာ ပျောက်ဆုံးသွား
အမှန်တရားဟာ သိမ်းမြစ်ထဲမှာ စီးဆင်း
လွတ်လပ်ခြင်းဟာ သိမ်းမြစ်ထဲမှာ စီးဆင်း
ငြိမ်းချမ်းခြင်းဟာ သိမ်းမြစ်ထဲမှာ စီးဆင်း
… … …
… … …
… … …
အပြစ်မဲ့ သူတွေရဲ့ သွေးစက်များနဲ့အတူ
စီးဆင်းရင်း စီးဆင်းခဲ့ကြတယ်။ 
***
မေဓာဝီ
၂၃၊ မတ်၊ ၂၀၁၇ 
 
(မတ်လ ၂၂ ရက်နေ့က လန်ဒန်မြို့ပါလီမန် အဆောက်အအုံအနီး အကြမ်းဖက်တိုက်ခိုက်ခြင်း ခံရ၍ သေဆုံး ဒဏ်ရာရသူများအတွက် ဝမ်းနည်းစွာဖြင့်)
(photo credit - original uploader) 

Read More...

Tuesday, March 21, 2017

လက်ကမ်းအမွေ ... ပေးပါ အမေ ...


“လက်ကမ်းအမွေ ... ပေးပါအမေ” 

***
အမေ့ကေသာ
ဖြူဖျော့ပါလည်း
ကေသာဆံထက်...
ပန်းတခက်ဖြင့်
ရင့်ကျက်အိနြေ္ဒ
အို ... အမေ ... ။
 .
အမေ့ခွန်အား
လျော့နည်းပါးလည်း
ဇွဲကားမရော့
မာန်မလျှော့သည့်
တိုင်းပြည့်ဂုဏ်ရည်
အို … အမေ … ။ 
.
 .
အမေ့လက်တွေ
အရေတွန့်လည်း
ခိုင်မာမြဲလျက်
ကမ်းလက်ဆက်ကာ
နောင်လာ သားမြေး
တို့ရှေ့ရေးတွက်
လက်ကမ်း အမွေ ... ပေးပါ အမေ ... ။
 
.
***

မေဓာဝီ
၂၁ မတ် ၂၀၁၇
၂၁း၅၃
(မူရင်းဓာတ်ပုံ ပိုင်ရှင်အား ခရက်ဒစ်ပေးပါသည်)

Read More...

Wednesday, February 01, 2017

Sexy နဲ့ တဏှာ

***

ဇန်နဝါရီလ ၃၁ ရက်နေ့ ထုတ် မြန်မာတိုင်းမ် သတင်းစာမှာ “နှုတ်ထွက်စကား ဝတ်စားဆင်ယင်” ဆိုတဲ့ ဆောင်းပါးတပုဒ် ဖတ်လိုက်ရပါတယ်။ ဆောင်းပါးမှာ စာရေးသူက ခုခေတ် မိန်းကလေးတွေ ကိုယ်အမူအရာ နှုတ်အမူအရာ နဲ့ ဝတ်စားဆင်ယင်မှုကို သတိထားသင့်ကြောင်း ရေးသားထားတာကြောင့် ရည်ရွယ်ချက်က အင်မတန် ကောင်းပါတယ်။ ဒါပေမဲ့ ဆောင်းပါးမှာပါတဲ့ sexy ဆိုတဲ့ အင်္ဂလိပ်စကားလုံးကို ဖွင့်ဆိုချက်ကိုတော့ဖြင့် ဘဝင်မကျမိဘူး။
.
ဆောင်းပါးရေးသူက “မြန်မာမိန်းကလေးများ sexy ဆိုသော စကားလုံးကို သုံးစွဲနေကြသည် ဆိုခြင်းမှာ ထိတ်လန့်ဖွယ် ကောင်းလေစွ” လို့ ရေးထားတာ တွေ့ရတယ်။ sexy ကို မြန်မာအဘိဓာန်မှာ တဏှာရာဂ ကိစ္စ၊ ညှို့ဓာတ်ကောင်းသော၊ ရမ္မက်ကြွစေသော၊ လိင်စိတ် ဖြစ်ပေါ်စေသော” လို့ အဓိပ္ပါယ် ဖွင့်ဆိုထားပါတယ် လို့လည်း ဆိုပါတယ်။
.
နောက်တနေရာမှာ ဆောင်းပါးရှင်က … ၁၉၉၂ ခုနှစ်က စင်္ကာပူမှာ စင်္ကာပူနိုင်ငံသူ တယောက်က သူ့မိတ်ဆွေ အမျိုးသမီးကို sexy ဖြစ်တယ်လို့ ပြောလိုက်တာကို ကြားလိုက်ရလို့ မဆီမဆိုင် မျက်နှာပူမိပါသေးသတဲ့။ ပြောခံရတဲ့ မိန်းကလေးက ကျေနပ်သွားပေမဲ့ ဆောင်းပါးရှင်ကတော့ ဒီစကားလုံးကို ကြားရတာ နားမသက်သာသလို ရေးထားတာတွေ ဖတ်လိုက်ရပါတယ်။
.
တကယ်တော့ sexy ဆိုတာ အထက်မှာ ဖော်ပြထားတဲ့ မြန်မာ အဘိဓာန်က ဖွင့်သလိုအပြင် နောက်ထပ် အဓိပ္ပါယ်တွေလည်း ရှိပါသေးတယ်။
Oxford အဘိဓာန်မှာတော့ ခုလို တွေ့ရပါတယ်။
1. sexually attractive
2. sexually exciting
3. sexually excited
4. exciting and interesting 

စသဖြင့် ဖွင့်ဆိုထားတာဖြစ်ပြီး နံပါတ် ၄ အတွက် ဥပမာတွေကိုတော့ ခုလို ရေးထားပါတယ်။
- a sexy new range of software
- Accountancy just isn't sexy. ... တဲ့။
ဥပမာ နှစ်ခုလုံးဟာ လူကို ရည်ညွှန်းထားတာ မဟုတ်ပါဘူး။ ဒါကြောင့် sexy ဆိုတိုင်း တဏှာ ရာဂ ရမ္မက်နဲ့ လိင်ကိစ္စတွေချည်းလို့ သတ်မှတ် လို့မရပါဘူး။ လူကို ညွှန်းသည့်တိုင်အောင်လည်း ဒီနေ့ခေတ်မှာ sexy ဆိုတဲ့ စကားလုံးကို သုံးစွဲတာဟာ စိတ်မလုံခြုံစရာ မဟုတ်သလို ရှက်ဖွယ်လိလိ လည်း မဟုတ်တော့ပါဘူး။
.
ခေတ်ဆန်ဆန် ဝတ်စား ပြင်ဆင်ထားတဲ့ မိန်းကလေး တယောက် ကိုလည်း sexy ဖြစ်တယ် ပြောလို့ရသလို ပါးကွက်ကြားနဲ့ မြန်မာအင်္ကျီ လုံချည် ဆင်ယင်ပြီး ဆံရစ်ဝိုင်း ထုံးဖွဲ့ထားတဲ့ မိန်းကလေး တယောက်ကိုလည်း sexy ဖြစ်တယ်လို့ သုံးစွဲလိုက သုံးစွဲ နိုင်ပါတယ်။ ဆိုလိုတာကတော့ မလုံမခြုံဝတ်မှ လိင်စိတ် နှိုးဆွမှ sexy လို့သုံးကြတာ မဟုတ်ပါဘူး။ ချောတယ် လှတယ် ဆွဲဆောင်မှုရှိတယ် စိတ်ဝင်စားဖို့ ကောင်းတယ် ... ဆိုတဲ့ အသုံးတွေကို sexy လို့ သုံးနေကြပါပြီ။ attractive person ကို ဘန်းစကားအနေနဲ့ sexy beast လို့ သုံးစွဲပါသေးတယ်။
.
ဒါကြောင့် စင်္ကာပူက အမျိုးသမီးဟာ သူ့ကို sexy ဖြစ်တယ် ပြောခံရတော့ ကျေနပ်တယ်ဆိုတာ ကျေနပ်သင့်တာပါပဲ။ ဒါ မျက်နှာပူစရာမှ မဟုတ်တာ။ သူတို့က ယဉ်ကျေးမှု မရှိလို့ ဘိုဆန်လို့ ဆိုပြီး ဆောင်းပါးရှင်က ပြောထားပါသေးတယ်။ မြန်မာမိန်းကလေးတွေ ပါးစပ်ဖျား ဒီစကားလုံး ရောက်လာတာလဲ အံ့သြမိပါသတဲ့။ တကယ်တော့ အံ့သြစရာ မဟုတ်ပါဘူး။ ဒီ့ထက်မက အဓိပ္ပါယ်ဆိုးတဲ့ f**king စကားလုံး တောင် very အနေနဲ့ သုံးစွဲနေကြပြီပဲ။ မြန်မာလိုေ--ာက်ရမ်း မိုက်တယ် ဆိုတာကို လူအများစု နှုတ်ဖျားက အလွယ်တကူ သုံးစွဲနေကြတာမျိုးပါပဲ။
.
ယဉ်ကျေးမှုအရ လုံးဝ မသုံးဘဲနေရင်တော့ အကောင်းဆုံးပေါ့။ ဒါပေမဲ့ ခေတ်ရေစီးကြောင်းအရ ဒီလို သုံးနေတာကိုလည်း နားလည်ထားသင့်ပါတယ်။
.
sexy အသုံးအကြောင်း ရေးရင်းနဲ့ ခုနက မြန်မာအဘိဓာန်ထဲက တဏှာ ရာဂ ကိစ္စ ဆိုတာလေး ဖတ်ရတော့ တဏှာအကြောင်း ထပ်ပြောချင် မိပါသေးတယ်။
.
တဏှာ ဆိုတာ ပါဠိစကားလုံး၊ တရားကိုယ်ကောက်တော့ လောဘ၊ မြန်မာလို ဆိုရင် လိုချင် တပ်မက်တာ ပေါ့။ အဆင်းလှလှလေးကို ကြည့်ချင်တာလည်း တဏှာ၊ သာယာသံလေး နားထောင် ချင်တာလည်း တဏှာ၊ အနံ့မွှေးမွှေးလေး ရှူချင်တာလည်း တဏှာ၊ အရသာ ကောင်းကောင်းလေး စားချင်တာလည်း တဏှာ၊ နူးညံ့တဲ့ အထိအတွေ့မျိုး ထိတွေ့ခံစားချင်တာလဲ တဏှာ ... ပါပဲ။ တိုတိုပြောရရင်တော့ အာရုံ ငါးပါးပေါ်မှာ တွယ်တာ တပ်မက်မှုကို တဏှာလို့ ခေါ်တာပါပဲ။ (ဒီနေရာမှာ ပြောတဲ့ တဏှာက ကာမတဏှာကို ပြောတာပါ။ ဘဝတဏှာ ဝိဘဝတဏှာတွေ ရှိပါသေးတယ်။)
.
ဒါကြောင့် တဏှာဆိုတိုင်းလည်း ယောက်ျားမိန်းမ ထိတွေ့ကြ သာယာကြတဲ့စိတ်ကို ပြောတာ မဟုတ်သလို sexy ဆိုတိုင်းလည်း လိင်စိတ်နိုးကြွစေတာကို ပြောတာ မဟုတ်ပါဘူး ဆိုတဲ့အကြောင်း ... မြင်သလောက် သိသလောက်လေး ပြောလိုက်ရပါတယ် ... ။
***
မေဓာဝီ
၁၊ ဖေဖော်ဝါရီ၊ ၂၀၁၇

Read More...

Thursday, January 12, 2017

တခါတုန်းက ... ပြာသိုလ ...

***
ပြာသိုလပြည့်ည … ။
 ပြာသိုလပြည့် အမေနေ့ဟု ဆိုရှယ်ဝက်ဘ်ဆိုက် စာမျက်နှာများထက် ရေပန်းစားနေချိန်၌ သူကတော့ ပြာသိုလဘွဲ့တွေ ဖတ်ရင်း တခါတုန်းက ပြာသိုလကို သတိရနေမိ၏။
.
ပြာသိုချမ်းပြင်း၊
ဆီးနှင်းရောယှက်
နှမ်းပုံဖျက် …
တဲ့။ အမည်မသိ ရှေးစာဆို ရေးသားခဲ့သော ဆယ့်နှစ်လရာသီမိုး ကဗျာ၏ ပြာသိုလဖွဲ့တွင် အထက်ပါအတိုင်း ဖတ်ခဲ့ရသည်။
.
“ရာသီညွန့်လမ်း၊ နွယ်ပန်းခွါညို၊ နှင်းစို ချမ်းစိမ့်၊ လွမ်းလိမ့်လေ … ”
ဆယ့်နှစ်ရာသီဘွဲ့ လူးတားရေးစပ်ခဲ့သူ ဦးယာက ပြာသိုလကို ထိုသို့ အစချီ၍ လွမ်းစဖွယ် ရေးဖွဲ့ပြီး ….
“ညွန့်ဖူးစိုစို၊ ပန်းခွါညိုလည်း၊ ပြာသိုမာသ၊ မကာရတွင်၊ ပွင့်ကြကြိုင်သင်း၊ မြောက်လေသွင်း၍၊ ရင်တွင်းချမ်းစိမ့်၊ လှမျိုးငြိမ့်ကို၊ နှစ်သိမ့်စရာ၊ ကြင်ဖော်ကွာသား၊ ခွေကာစုရုံး၊ မဉ္ဇူအုံးမှာ၊ မပြုံးညှိုးငယ်၊ သနားဖွယ်နှင့် …”
ချမ်းအေးလွန်းသည့် ရာသီမှာ ကြင်ဖော်နှင့် ကွဲကွာနေရသော ဒုက္ခကို ဦးယာက ကရုဏာသက်စွာ စပ်ဆိုခဲ့လေသည်။
.
မဟာအတုလမင်းကြီး၏ ပြာသိုလဘွဲ့ကတော့ ဤသို့အစချီခဲ့သည်။
“တိမ်ခြေငယ် ရှင်းပါလို့၊ မြူနှင်းငယ်စိုစို၊ လ-ပြာသိုမှာ၊ နွယ်ခွါညို မြိုင်မြိုင်နှင့်၊ လှိုင်လှိုင်သင်းတဲ့ လကိုလေး …။
.
နဝဒေးကြီးကလည်း …
နတ်လကျွန်း၍၊ ဆန်းတုံပြာသို၊ ပင်တိုင်းညိုမျှ၊ မြလို့ပျံ့မွှန်း၊ ထုံရည်သွန်းသို့၊ နတ်ပန်းခွံမြ၊ ပေါ်သည့်လဝယ်၊
“တရာ့တဆောင်း၊ ရုံးလှာပေါင်းလည်း၊ တူကြောင်းမရှိ၊ ချမ်းလှဘိ၏” ဟု ပြာသိုလကို ဖွဲ့ဆိုခဲ့သည်။
.
အမျိုးသမီးစာဆို မယ်ခွေကတော့ …
“မီးပူပူ ကင်မဝသည့်၊ လပြာသိုဆောင်း၊ ထည်ပေါင်းမှ ထောင်ရာ၊ ခြုံလေ-အေးလေ၊ ကြက်သီးတွေနှင့်” … ဟု ရိုးရှင်းစွာ ရေးဖွဲ့ခဲ့သည်။
.
စာဆိုတွေ အမျိုးမျိုးကွဲပါစေ ပြာသို၏ ချမ်းအေးခြင်းကို ဖွဲ့ကြသည်မှာ အတူတူပင်။
.
ပြာသိုက ခွါညိုနှင့် ခွဲမရ၊ ရာသီက မကာရ၊ နက္ခတ်က ဖုသျှ၊ ရှေးဘုရင်လက်ထက် အခါကတော့ မြင်းခင်းသဘင် ကျင်းပကြသတဲ့။
.
“ရောင်သိင်္ဂီငယ်၊ ကြယ်ညီဖုသျှ၊ မကာရမို့၊ ရွှေဝဥကင်၊ နန်းရင်ပြင်မှာ၊ လှံလျင် မြင်းခင်း၊ သဘင်ကျင်းလို့၊ ရာမင်းထွက်စံ၊ ဗိုလ်ညီလာ ခံသောခါ ” ဟု မဟာအတုလမင်းကြီးက ရေးခဲ့သည်။
.
မြင်းခင်းသဘင်ဆိုသည်ကား နိုင်ငံ၏ မြင်းတပ်အင်အားနှင့် အရည်အချင်းကို ပြသောပွဲပင်။ ခုခေတ်မှာတော့ မြင်းခင်းသဘင်က တိမ်ကောချေပြီ။
***

ထိုထို ရာသီဘွဲ့တွေကို ဖတ်ရင်း ပြတင်းပေါက်ကို လှမ်းကြည့်လိုက်တော့ ကောင်းကင်မှာ လမင်းကြီးက ထွန်းလင်းလို့နေသည်။ ရန်ကုန်မြို့၏ ပြာသိုလက အချမ်းမပြင်းလှ။ ဆောင်းငွေ့သက်သော လေပြည်လေညင်းမှ လွဲ၍ အအေးဓာတ်က ခပ်ဖျော့ဖျော့ ခပ်ပျော့ပျော့။ ဒီလိုညမှာ တခါတုန်းက ပြာသိုလပြည့်ညအကြောင်း ခေါင်းထဲ ရောက်လာမိသည်။

တခါတုန်းက … ။
အတိအကျဆိုရလျှင် မဟာသက္ကရာဇ် ၁၀၃ ခုနှစ် ပြာသိုလပြည့်က .. ။
.
မဇ္ဈိမဒေသ၏ လပြာသိုက အေးချမ်းလွန်းလှသည်။ ဆီးနှင်းတို့ သည်းထန်စွာ ကျနေသဖြင့် ဝန်းကျင်က စိုစွတ်အုံ့မှိုင်းလျက် … ။ ဥရုဝေလတော နေရဉ္ဇရာမြစ်ကမ်း အနီးမှာတော့ ဆီးနှင်းတို့က တဝေဝေ။
.
ဥရုဝေလတောမှာ နေထိုင်သီတင်းသုံးနေကြသည့် ဥရုဝေလကဿပ၊ နဒီကဿပ၊ ဂယာကဿပ အမည်ရ ညီအစ်ကိုသုံးဖော် ရသေ့သုံးပါးကား ကိလေသာ ခေါင်းပါးစေရေး ပြင်းထန်သောအကျင့်များကို ကျင့်နေကြ၏။ အစ်ကိုကြီး ဥရုဝေလကဿပက တပည့်ငါးရာ၊ အစ်ကိုလတ် နဒီကဿပက တပည့် သုံးရာ၊ ညီငယ် ဂယာကဿပက တပည့် နှစ်ရာကို ခေါင်းဆောင်ပြီး နေရဉ္ဇရာမြစ်တွင်း သက်ဆင်းကာ ရေငုပ်ကြလေသည်။ ဒီလောက် အေးတဲ့အချိန်မှာ ရေငုပ်သည်ဆိုတော့ … သူတို့ ဘယ်လောက် ချမ်းအေးကြရှာမလဲ … ဟု တွေးလျှင်ပင် ကျောထဲက စိမ့်ခနဲ။
.
ရေငုပ်၊ မီးလှုံ … စသဖြင့် အကျင့်များ ကျင့်ပါက ကိလေသာလျှော့ပါးမည်ဟူသော အယူစွဲဖြင့် ချမ်းအေးသော ရာသီတွင် ပြင်းထန်စွာ ကျင့်နေသူများထံ မြတ်စွာဘုရားက သွားရောက်ကာ ထိုသူတို့၏ အချမ်းဝေဒနာများ သက်သာစေရေးအတွက် ဆောင်ရွက်ပေးတော်မူခဲ့ပါသတဲ့ … ။
.
ပြာသိုလရဲ့ အအေးဓာတ်က ဗုဒ္ဓမြတ်စွာရဲ့ မေတ္တာ ကရုဏာတော်ကို ကျော်လွန်နိုင်ရှာမည် မဟုတ်ဟု သူ … တွေးနေမိသည်။ မြတ်စွာဘုရားက ရသေ့များ ခွဲ၍မရသော ထင်းတုံးများကို တပြိုင်နက် ကွဲစေခြင်း၊ ရသေ့များ မွှေး၍မရသော မီးကို တပြိုင်နက် တောက်လောင်စေခြင်း၊ ရသေ့များ ငြိမ်း၍ မရသော မီးကို တပြိုင်နက် ငြိမ်းစေခြင်း၊ မီးအိုးကင်း ငါးရာကို တပြိုင်နက် ဖန်ဆင်းခြင်း … စသည့်စသည့် တန်ခိုးပြာဋိဟာများ ပြကာ ရသေ့များကို ဆွဲဆောင်စေခဲ့သည်။
.
နောက်လိုက် နောက်ပါ တပည့်ပေါင်းများစွာကို ဦးဆောင်နေသူ ရသေ့များက မြတ်စွာဘုရားရှေ့မှောက် ဒူးထောက်ဖို့ဆိုတာ လွယ်သည့်ကိစ္စတော့မဟုတ်၊ ထို့ကြောင့်ပင် မြတ်စွာဘုရားက တန်ခိုးတော်ပေါင်း ၃၅၁၆ မျိုးကို ပြသခဲ့ခြင်း ဖြစ်ပေလိမ့်မည်။
.
ထိုအခါမှ ရသေ့များက နေရဉ္ဇရာမြစ်ထဲသို့ သူတို့၏ အသုံးအဆောင်များကို စွန့်ပစ်ပြီး ဘုရားထံမှာ ရဟန်းအဖြစ် တောင်းခံခဲ့ကြ၏။ အသုံးအဆောင်များနှင့်အတူ သူတို့၏မှားယွင်းသော အကျင့်တွေကိုပါ  နေရဉ္ဇရာမြစ်ထဲသို့ စွန့်ပစ်ခဲ့ကြခြင်းပေပဲ။ သို့ဖြင့် ...  ရသေ့တထောင် (ရှင်တထောင်) လုံး ဧဟိဘိက္ခု ရဟန်းများ ဖြစ်လာကြ လေတော့သည်။ ဗုဒ္ဓမြတ်စွာက ရသေ့တထောင်အား ကျောက်ဖျာထက်၌ နေ၍ “အာဒိတ္တ ပရိယာယ” သုတ္တန်ဒေသနာတော်ကို ဟောကြားတော်မူသည့်အခါ ရှင်တထောင်လုံး အာသဝေါကုန်ခမ်းကာ ရဟန္တာများ ဖြစ်သွားခဲ့ကြလေ၏။ 
.
နေရဉ္ဇရာမြစ်ကတော့ စီးဆင်းမြဲ စီးဆင်းနေဆဲပင် ... ။
.
ထိုနေ့ကား ပြာသိုလပြည့်နေ့ပင်တည်း။
.
ထို့ကြောင့် အခါတော်နေ့များကို စီစဉ်ကျင်းပလေ့ရှိသော ဆရာတော် မာဂဓီ (သာစည်)က ပြာသိုလပြည့်ကို ရှင်တထောင်နေ့ဟု သတ်မှတ်ခဲ့လေသည်။
***
မဇ္ဈိမဒေသကဲ့သို့ မအေးချမ်းလှသော ရန်ကုန်မြို့၏ ပြာသိုလပြည့်ည၌ တခါက ပြာသိုလပြည့်ညဝယ် မြတ်စွာဘုရား ကျောက်ဖျာထက်မှာ စမ္ပါယ်တော်မူကာ ရဟန်းတထောင်အား တရားအမြိုက်ဆေး တိုက်ကျွေးနေပုံကို မြင်ယောင်ရင်း … ပြာသိုလ၏ အနှစ်သာရကို တွေးတော ခံစားနေမိပါတော့သည်။
***
မေဓာဝီ
၁၂၊ ဇန်နဝါရီ၊ ၂၀၁၇
ပြာသိုလပြည့်ည
၁၉း၁၈ နာရီ
.
ကိုးကား။ ။
ရာသီသဘင် - ဦးသော်ဇင်
ဆယ့်နှစ်ရာသီဘွဲ့ လူးတား - ဦးယာ
တဆယ့်နှစ်လမိုး - ဒဂုန်ဦးစန်းငွေ
အခါတော်နေ့များ - မာဂဓီ (သာစည်)

Read More...

Monday, January 02, 2017

ချစ်ခြင်းထာဝစဉ် တွင်ရစ်စေ ...

ချစ်ခြင်းထာဝစဉ် တွင်ရစ်စေ
***
ပန်းချီရေးတဲ့အခါ
နံဘေးကနေ ဆေးခွက်ကမ်း … 
.

စန္ဒယားတီးရင်
စည်းချက်လိုက် …
.

ဂစ်တာတီးတော့
သီချင်းလေးညည်းပြီး လိုက်ဆို … 
.
တို့ အစ်ကိုကြီးအနီးမှာ
ပါရမီဖြည့်ဘက်အဖြစ်
ချစ်ခြင်းထာဝစဉ်တွင်ရစ်စေ … ။
***
ကိုမင်းကိုနိုင်နဲ့ ဒေါက်တာသီရိလွင်သို့
ချစ်ခင်စွာဖြင့်
မေဓာဝီ
၂၊ ၀၁၊ ၁၇

Read More...

Sunday, January 01, 2017

ခရီးသည်


ခရီးသည်
***
အနောက်မှ အရှေ့
ရွေ့ခဲ့တယ်။
.
တောင်မှ မြောက်
ရောက်ခဲ့တယ်။
.
တိမ်တွေရဲ့အောက်
တောင်တွေရဲ့အထက်
ခရီးလမ်းတွေ ဖြတ်သန်း
လမ်းဆုံးပန်းတိုင်ဆီ
လျှောက်လှမ်းနေတဲ့ ခရီးသည်။
***
မေဓာဝီ
၀၁.၀၁.၂၀၁၇
(၁၁၅ မိုင်)


Read More...

Saturday, December 24, 2016

မောင်ကြီးသို့ ပေးစာ (၃)

ဈေးသွားတဲ့နေ့ ...
***
မောင်ကြီးရေ …

ဒီနေ့ ဒီဇင်ဘာလ ၂၄ ရက် ခရစ်စမတ် အကြိုနေ့မို့ ရှင်မတို့ကျောင်းက စနေ တနင်္ဂနွေ သင်တန်းတွေ ပိတ်တာနဲ့ ခါတိုင်းလို အိပ်ရာ စောစောမထဘဲ ခြောက်နာရီ ခွဲလောက်မှ ထဖြစ်တယ်။ မျက်နှာသစ် အဝတ်လဲပြီး တပတ်စာ ဈေးဝယ်ဖို့ အိမ်နားက ဈေးကလေးဆီ လမ်းလျှောက်ထွက်ခဲ့လေရဲ့။ မနက်ခင်း ကောင်းကင်က တိမ်တဆုပ် တအုပ်နဲ့မို့ နေမပူဘူး၊ အေးလည်း မအေးဘူး။ သာသာယာယာနဲ့ နေလို့ကောင်းရုံကလေး… ။
.
အိမ်ရှေ့ကနေ တဘက်လမ်းကို ကူးမယ်ဆိုတော့ လူကူးမျဉ်းကြားမှာ ရှင်မနဲ့ အတူဈေးလိုက်တဲ့ တူမလေးရယ်၊ ဦးလေးကြီး တယောက်ရယ် ကားအရှင်းကို စောင့်နေကြတာပေါ့။ အိမ်ရှေ့က လမ်းမကြီးကလည်း မနက်စောစောတောင် ကားအသွားအလာ မပြတ်ဘူး မောင်ကြီးရဲ့။
.
ရှင်မတို့လည်း လမ်းကူးဖို့ စောင့်နေရင်းနဲ့ ကားနှစ်စီး ရှေ့ဆင့်နောက်ဆင့် မောင်းလာရာက တစီးက လူကူးမျဉ်းကြား တည့်တည့်မှာ ကျွိခနဲ ရပ်လိုက်တယ်။ ဘာလို့ပါလိမ့်လို့ လှမ်းကြည့်တော့ ခုနက ဦးလေးကြီးက လမ်းကူးသွားတာ လမ်းလယ် ပလက်ဖောင်းတုံးဆီ ရောက်နေပြီ။ အဲဒီကားပေါ်ကလူက လမ်းဖြတ်ကူးတဲ့ ဦးလေးကြီးကို တခုခုလှမ်းပြောတာ။ သူ့ကားလာနေတာကို လမ်းဖြတ်ကူးရသလား ... ပေါ့။ သြော် ... ဖြစ်မှ ဖြစ်ရလေ ... လူကူးမျဉ်းကြားမှာ ကားက အရှိန်လျှော့ရ ရပ်ပေးရမှာကို သူကပဲ လှမ်းပြောရတယ်လို့။ ရှင်မလည်း အမြင်ကပ်လို့ လှမ်းပြောလိုက်သေးတယ်၊ ကြားကြား မကြားကြားပေါ့။ “ဒါ လူကူးမျဉ်းကြားလေ” ... လို့။
.
ဟုတ်တယ်လေ မောင်ကြီးရယ် ... ။ ရှင်မတို့ မြန်မာပြည်သားတွေရဲ့ ဘဝက လူကူးမျဉ်းကြားမှာတောင် သေပြေးရှင်ပြေးကူးလို ကူးရ၊ ကားအရှင်းကို တမေ့တမော ရပ်စောင့်လို စောင့်ရနဲ့ ... ။ ကားပေါ်က လူတွေဟာ ယာဉ်စည်းကမ်း လမ်းစည်းကမ်းကို နားမလည်တာလား တမင်လုပ်နေကြတာလား ... လို့ စိတ်ပျက်လက်ပျက် တွေးမိတယ်။
.
ဦးလေးကြီးကတော့ သူမှန်တာမို့ ဘာမှခွန်းတုံ့မပြန်ဘဲ ပုံမှန်ပဲ လမ်းကူးသွားတယ်၊ ရှင်မလည်း ကမန်းကတန်း တဘက်လမ်းကူးပြီး ဈေးကို ဆက်သွားတာပေါ့။ ဟင် ... ရှင်မ ပလက်ဖောင်းပေါ်က လျှောက်ရဲ့လား ... ဟုတ်လား ... မောင်ကြီးကတော့ လုပ်ပြီ၊ လူသွား ပလက်ဖောင်းဆိုတာ လူတွေလျှောက်ဖို့ လုပ်ပေးထားတာမှ မဟုတ်ဘဲ မောင်ကြီးရဲ့။ လမ်းကူးလိုက်တာနဲ့ ပလက်ဖောင်းပေါ်မှာ ဘတ်စ်ကားမှတ်တိုင်၊ နံစော်ေ်နတဲ့ စည်ပင်အမှိုက်ပုံး၊ ဂျာနယ်သည်၊ အသုပ်သည်၊ အဲဒါတွေလွန်သွားရင်လည်း မညီမညာတဲ့ ပလက်ဖောင်းတွေက အိမ်တွေနဲ့ ကပ်နေတာကြောင့် ဈေးသွားတိုင်း ကားလမ်းပေါ်ကပဲ ဆင်းလျှောက်ရတာလေ။
.
ရန်ကုန်မြို့က ပလက်ဖောင်းတွေ အကြောင်း မောင်ကြီးလည်း အသိသားနဲ့။ လမ်းလျှောက်လို့မရတဲ့ ပလက်ဖောင်းတွေရဲ့ ဘေးမှာလည်း ညအိပ်ညနေ ရပ်ထားတဲ့ ကားတွေကရှိတော့ ကားလမ်းမပေါ်ကပဲ ဆင်းလျှောက်ရတာ ထုံးစံဖြစ်နေပါပြီ။ မျက်နှာချင်းဆိုင်က ကားကြီးတွေ ဝီးခနဲ ဖြတ်သွားမှ ကမန်းကတန်း ဘေးကိုယို့ပြီး ရှောင်ရတယ်။ လမ်းပေါ်မှာ ဆင်းလျှောက် သွားပြန်တော့ ကွမ်းတံတွေးကစပြီး ခွေးတွေရဲ့ အညစ်အကြေး အဆုံး မနက်ခင်းရဲ့ ရှုချင့်စဖွယ် မြင်ကွင်းအဖြစ် မြင်ရတာပါပဲ မောင်ကြီးရယ်။ ဘေးဘီဝဲယာ မကြည့်အားဘူး၊ ရှေ့ကြည့် အောက်ကြည့်နဲ့ ကိုယ့်အန္တရာယ်ကိုယ် ကြည့်ရှောင်နေရတာပ။
.
ဒီလိုနဲ့ ဈေးရောက်ရော ... ။ ဒီနေ့ ဈေးထဲမှာ ဈေးသည်တွေ အတော်ပါးနေတာ။ ဝယ်နေကျ ငါးသည်မထွက်လို့ တခြားဆိုင်မှာ ဝယ်ရတယ်။ တခြားဆိုင် ဆိုပေမဲ့ အဲဒီဆိုင်က အမေတို့ အဖေတို့ ဝယ်နေကျဆိုင်ပါပဲ။ ရှင်မလည်း ငါးတွေ ပုစွန်တွေဝယ်ပြီး ပိုက်ဆံပေးတော့ ဆိုင်ခုံပေါ်က ငါးသည် အဒေါ်ကြီးက မယူဘူး သိလား၊ ငါးခုတ်ပေးတဲ့ ဦးလေးကြီးကိုပဲ ပေးခိုင်းတယ်။ တခုခုဆို ဦးလေးကြီးကို မေးငေါ့ငေါ့ ပြနေတော့ ဘယ်လိုပါလိမ့်ပေါ့။
.
“အိမ်မှာနေရတာ ပျင်းလို့ ဈေးထဲလိုက်လာတာ၊ အစ်မက အလုပ်မလုပ်တော့ဘူးလေ ...”
လက်ဘက်ရည်ခွက်ထဲကို မုန့်တွေဗျစ်ခနဲ နှစ်ရင်း သူက ပြောတယ် သိလား။ လက်ကို ပြန်အပင့်မှာ ရွှေလက်ကောက်ကြီးတွေက ချွင်ခနဲ။ ရှင်မလည်း အလိုက်အထိုက် “သြော် .. ဟုတ်ကဲ့” ပေါ့။
“စင်္ကာပူက သားက ဖုန်းဆက်ရင် မေးတာ၊ အမေ ဘယ်မှာလဲ၊ ဘာလုပ်နေလဲ ... ဆိုပြီးလေ၊ ကိုယ့်မှာ ညာရတယ်၊ အမေ အိမ်မှာပါ သားရယ် ...လို့ ... ဟင်းဟင်း”
ရှင်မလည်း သူ့လိုပဲ ဟင်းဟင်း လို့လိုက်ရယ်ရင်း ဆွဲခြင်းလေးမပြီး အမြန်လစ်ရတယ် မောင်ကြီးရေ ... ။
.
နောက် ဝယ်နေကျ အပျိုကြီးညီအစ်မ ရောင်းတဲ့ ဟင်းရွက်ဆိုင်ကလည်း ပိတ်ထားတာနဲ့ စနေသား အဘရဲ့ ဟင်းရွက်ဆိုင်မှာ သွားဝယ်ရတယ်။ အဲဒီအဘကတော့ အာဝဇ္ဇန်းကောင်းကောင်းနဲ့ ဖော်ဖော်ရွေရွေပါပဲ။ သူ့ဆိုင်က ပစ္စည်းလည်းစုံတယ်။
“လာနော် စနေနေ့မှာ စနေသားလေးရောင်းတဲ့ ဆိုင်က လာဝယ်ကြ၊ လတ်တယ် စုံတယ် ... အသက် ဆယ်နှစ်သားကတည်းက ဒီမှာ ရောင်းလာတာ”
“ဟင် ... အဘက ဆယ်နှစ်သားကတည်းက ဒီဈေးမှာ ရောင်းတာလား”
“ဟုတ်ပါ့ တူမကြီးရေ ... ဈေးရောင်းသက် အနှစ် ၅၀ ကျော်သွားပြီ၊ အခု အဘအသက် ၆၈ နှစ်၊ 74 မှာ ဘွဲ့ရတယ်”
.
ရှင်မ တအံ့တသြ သူ့ကိုကြည့်မိတယ်။ ရှင်မ ငယ်ငယ်ကတည်းက ဒီဈေးကို အမေနဲ့လိုက်ပြီး ဝယ်နေကျ။ အဲဒီအဘကိုလည်း မှတ်မိပါတယ်။ သူ ဘွဲ့ရပြီးသားဆိုတာကတော့ အခုမှ သိတော့တယ်။ သူက ဆက်ပြောသေးတယ်။
“အဘငယ်ငယ်က ဈေးရောင်းလိုက် ကျောင်းပြေးတက်လိုက် လုပ်ရတာလေ။ တက္ကသိုလ်တက်တော့လည်း ဈေးရောင်းရင်း တက်ခဲ့တာပဲ။ ဘွဲ့ရတော့ ဝန်ထမ်းဝင်လုပ်လိုက်သေးတယ်၊ ပိုက်ဆံမရလို့ အလုပ်ကထွက်ပြီး ဈေးပြန်ရောင်းတာ”
.
“အဘက တော်လိုက်တာ”
ရှင်မ ဘာပြောရမှန်းမသိတော့ဘူး မောင်ကြီးရေ ... ။ အသားညိုညို ဂင်တိုတိုနဲ့ စွပ်ကျယ်လက်ပြတ်၊ ချည်ပုဆိုးခပ်တိုတို ဝတ်ပြီး ဈေးခေါ်ကောင်းတဲ့ အဘဟာ ရှင်မအသက် ၃ နှစ်သမီး အရွယ်ကတည်းက ဘွဲ့ရပြီးသား ... တဲ့လေ။
.
ဘွဲ့ရ ကွမ်းယာသည်၊ ဘွဲ့ရ ဆိုက်ကားဆရာ၊ ဘွဲ့ရ အကြော်သည်၊ ဘွဲ့ရ အသုတ်သည် ... စသဖြင့် ရှိတာ ရှင်မလည်း သိပါတယ်။ ဒါက ဒီဘက်ခေတ်မှလို့ ထင်ခဲ့တာ။ ခု ဒီအဘကတော့ အရင်ခေတ်ကတည်းက ဘွဲ့ရပညာတတ် တယောက် ... ဒါပေမဲ့ ကုန်စိမ်းသည်ဘဝနဲ့ ရပ်တည်နေဆဲ။
.
ဈေးကအပြန်လမ်းမှာတော့ ရှင်မအတွေးတွေနဲ့ ရှုပ်ထွေးလို့ပေါ့ မောင်ကြီးရယ်။ လူကူးမျဉ်းကြားမှာ မရပ်တဲ့ကား၊ ပလက်ဖောင်းပေါ်က ဆိုင်ကလေးတွေ၊ လမ်းမပေါ်က ကွမ်းတံတွေးနဲ့ ခွေးချေး၊ ငါးဆိုင်ပေါ်က ငါးမရောင်းတဲ့ ငါးသည်၊ ဘွဲ့ရ ပညာတတ် ကုန်စိမ်းသည် ... စတဲ့ စတဲ့ အကြောင်းအရာတွေ ပြန်တွေးရင်း အိမ်ပြန်လာခဲ့ပါတော့တယ်။
.
သြော် ... ဒါနဲ့ ... နောက်တခါ မောင်ကြီး ရန်ကုန်ရောက်လို့ ဈေးသွားရင် အဲဒီဇာတ်ကောင်လေးတွေ ကြည့်ခဲ့ဖို့ မမေ့နဲ့အုံး ... နော် ... ။
မောင်ကြီးရဲ့
ရှင်မ
မေဓာဝီ
***
၂၄၊ ဒီဇင်ဘာ၊ ၂၀၁၆
၁၇း၁၄ နာရီ

Read More...

Sunday, December 04, 2016

ဆန္ဒ

ဆန္ဒ
***

ရောင်စုံဘောလုံး ကဗျာလေး
သီကြွေးခဲ့တဲ့ ကလေးဘဝ
ပြန်ရခွင့်သာ ရှိခဲ့ရင် …
...
အမေ့ရင်ခွင်မှာ ခေါင်းတင်မှေးရင်း
သားချော့တေးချင်းတွေ နားဆင်
အိပ်ရာဝင်ခဲ့တဲ့ ကလေးဘဝ
ပြန်ရခွင့်သာ ရှိခဲ့ရင် … 
...

လိုရင် ငို - ကြည်ရင် ပြုံး
ဟန်ဆောင်မျက်နှာဖုံးတွေ မရှိ
ပကတိအပြစ်မဲ့တဲ့ ကလေးဘဝ
ပြန်ရခွင့်သာ ရှိခဲ့ရင် …
… … … …
… … … …
… … … …
ဘဝကို အသစ်က ပြန်စ
သောကမှန်သမျှ လွတ်ကင်းလို့
ငြိမ်းချမ်းခြင်းရချင်တယ် … ။ …။
***
 မေဓာဝီ
4.12.16
22:44

Read More...

Saturday, December 03, 2016

ဆင်ရာတိမ်မိုးနှင့် အများပိုင်စကားလုံးများ

စကားလုံးတွေ နာမည်ကြီးသောအခါ အများပိုင်သွားတတ်လေသည်။
.
တဦးတယောက်က စတင်တီထွင်ထားသော စကားလုံး ဖြစ်လင့်ကစား ထိုစကားလုံးကို အများက နှစ်ခြိုက်စွာ သုံးစွဲရင်း အများပိုင်ဖြစ်သွားသော စကားများရှိခဲ့ဖူးသည်။ ဥပမာ ဆိုကြပါစို့ ... ရွှေအိုရောင်။ ဆရာကြီးဒဂုန်တာရာ စတင်သုံးခဲ့သည့် စကားလုံး။ ရွှေအိုရောင် အပြင် ပန်းနုရောင်အို၊ လေနုအေး၊ ဂေါ်ဂင်နီ၊ ဝတ်လစ်စလစ်လမ်းမကြီး ... စသဖြင့် စကားလုံး အသစ်အဆန်းတွေ ဆရာကြီးက တီထွင် သုံးစွဲခဲ့သည်။ ထိုစကားများအနက်မှ ရွှေအိုရောင် ဆိုသည့် စကားလုံးကတော့ဖြင့် ယနေ့ခေတ် လူအများသုံးစွဲနေကြသည့် အများပိုင် စကားလုံး ဖြစ်၍နေချေပြီ။
.
ငယ်စဉ်က ခင်မောင်တိုးသီချင်းတွေ စွဲစွဲလမ်းလမ်း နားထောင်တော့ “ဆင်ရာတိမ်မိုး” ဆိုသည့် သီချင်းလေးကို သံစဉ် စာသားနှင့်တကွ ပေးထားသည့် ခေါင်းစဉ်လေးကိုလည်း အင်မတန် သဘောကျမိ၏။ ဆင်ရာတိမ်မိုး ... တဲ့ ... ။ သီချင်းရေးသူနှယ် ပေးတတ်လိုက်ပါဘိတော့ ... လို့ ဆိုပြီး ထိုခေါင်းစဉ်လေးအား မှတ်မှတ်ရရ ရှိနေခဲ့သည်။
.
သို့နှင့် ရှေးကဗျာ စာပေတွေနှင့် ရင်းနှီးလာစဉ် ၁၂ လရာသီမိုး ကဗျာတွင် “နတ်တော်ရောက်ငြား၊ မိုးသားမငြိမ်၊ ဆင်ရာတိမ်” ဟု ဖတ်လိုက်ရသည့်အခါ ဆင်ရာတိမ် ... ဆိုသည့်စကားလုံးက နဂိုကတည်းက ရှိနေနှင့်ပါလားဟု တွေးမိရင်း ဆင်ရာတိမ်မိုးကို ပို၍ စိတ်ဝင်စားခဲ့မိလေသည်။

လက်ဝဲသုန္ဒရ ရေးသည့် ရတုတွင်လည်း "နတ်ပန်းဝေမြိုင်၊ သဇင်လှိုင်က၊ ဖြိုင်ဖြိုင်မကြဲ၊ စွတ်ရုံ ဖွဲ၏၊ သွန်းမြဲဟန်မှာ၊ ဆင်ရာတိမ်မိုး၊ ခေါ်ကြရိုးတည့် ... ” ဟူ၍ ဆင်ရာတိမ်မိုးက ပါခဲ့သည်။ ဒီလိုနှင့် ဆင်ရာတိမ်မိုးတွေ လိုက်ရှာရင်း ရာသီဖွဲ့ကဗျာတွေထဲမှာ (အထူးသဖြင့် နတ်တော်လဖွဲ့တွေမှာ) ဆင်ရာတိမ်မိုး အသုံးကို အများအပြား တွေ့ရသည်။
.
ဆင်ရာတိမ်မိုး၏ အနက်က ကိုယ်ထင်သလို တိမ်တွေဆင်ပြီး ရွာသောမိုး မဟုတ်ခဲ့ပြန်။ နတ်တော်လတွင် ရွာသောမိုးက ဆင်ခြေရာတိမ်သွားအောင် ရွာသောမိုး ဟူ၍ လည်းကောင်း၊ နတ်တော်လမှာ မိုးမရွာဘဲ မိုးသားတိမ်လိပ်တို့သာ ကောင်းကင်မှာ ဆင်ယင်လှုပ်ရှားကြသည်ဟူ၍ လည်းကောင်း ဆိုကြသလို ... ဆင်ခြေရာ ပျောက်ရုံ ခပ်တိမ်တိမ်ရွာသောမိုး၊ ဆင်ခြေရာ မြင်းခြေရာ တိမ်မြုပ်အောင် ရွာသောမိုးဟုလည်း ဆိုကြသည်ကို မှတ်သားခဲ့ရသည်။
.
ထိုအခါမှ ဆင်ရာတိမ်မိုး ဟူသည့် စကားသည် ခင်မောင်တိုး သီချင်းရေးသူ ကိုမောင်မောင် (အဉ္ဖလီ) ထွင်သော စကားလုံးမဟုတ်ဟု သိခဲ့ရလေတော့သည်။ သို့တိုင်လျက် ထိုတေးရေးသူကို မချီးကျူးဘဲ မနေနိုင်။ ထိုရှေးခေတ် အသုံးအနှုန်းကို သီချင်းခေါင်းစဉ်တပ်ကာ စွဲမက်ဖွယ် ရေးဖွဲ့နိုင်ပေစွဟု ကြိတ်၍ ချီးကျူး အားကျမိပါသည်။
.
ဆယ်ကျော်သက်အရွယ် ဝတ္ထုတွေဖတ်တော့ အထူးသဖြင့် နွမ်ဂျာသိုင်း ဝတ္ထုများ၏ ခေါင်းစဉ်တွေသည် ငယ်ငယ်က ကျောင်းသင်ခန်းစာ ဖတ်စာထဲက စာသားများ ဖြစ်နေသည်ကို သတိမူမိသည်။ “ဟိုဘက်ကမ်းက မီးထိန်ထိန်” “အလယ်ကလူ စကားဝဲ၏” စသဖြင့် ... ။ ထိုသည်ကို အားကျ၍ ကိုယ်တိုင် ဘလော့ကလေးမှာ ရေးခဲ့သည့် စာတချို့၏ ခေါင်းစဉ်တွေသည် ဖတ်စာထဲက စာသားများ ဖြစ်သော ”ရာသီဥတု ပူသည်” ”ညအခါ လသာသာ” တို့ကို သုံးစွဲခဲ့ဖူးသည်။
.
နွမ်ဂျာသိုင်းဆိုလို့ သူ၏ ”ဒေါင်းယာဉ်ပျံ ဘုံနံဘေးမှာ စာရေးလို့ထားချင်တယ်” ဝတ္ထုခေါင်းစဉ်သည်လည်း ရှေး ကဗျာထဲမှ စာသားပင်ဖြစ်သည်။ တွံတေးသိန်းတန်၏ နာမည်ကြီးသီချင်း "နှမလက်လျှော့ နေလေတော့" သည်ပင် ရှင်မဟာရဋ္ဌသာရ၏ ပုရေနိသင် အစချီ ပိုဒ်စုံရတုတွင်ပါသော စာသားဖြစ်နေသည်။ ရှင်မဟာရဋ္ဌသာရက ခုလိုရေးထားခဲ့သည်။

"ဤဘဝတွင် နှမလက်လျှော့၊ နေလေတော့ဟု၊ ချစ်ပေါ့မကြုံ၊ ညှိးငယ်ပုံမျှ၊ ရွက်ဟုန်ကြွေကြုပ်၊ ချမင်းတုပ်သို့၊ စိတ်ချုပ်မပွင့်၊ ပျံ့လွင့်မေတ္တာ၊ ကရုဏာနှင့်၊ တဏှာလောဘ၊ ဒေါသမြှေးထူ၊ ရမ္မက်မြူကို၊ ဘယ်သူနှိုးရှာ လေတော့မည်။
.
ထိုသို့ ရှေးက အသုံးအနှုန်းတွေ ကဗျာစာသားတွေ ခေတ်အဆက်ဆက် ယူငင်သုံးစွဲခဲ့ကြသော်ငြား မူရင်း မည်သူမည်ဝါဟု ခရက်ဒစ်လည်း မပေးကြ။ ကြာတော့ မူရင်းရေးသူကိုပင် ပရိသတ်က မသိကြတော့။ နောက်လူတွေ ထွင်သည်ဟုသာ ထင်ကြပေလိမ့်မည်။
.
မူရင်းရေးသူတွေသာ သက်ရှိထင်ရှား ရှိနေသေးလျှင် သူတို့တီထွင် ရေးဖွဲ့ထားသည့် စာသား ယူငင်သုံးစွဲကြသည်ကို အပြစ်တင်ကြလေမည်လား … ။ လားလားမျှ မထင်ပါ။ သူတို့စကားလုံး အများသုံးကာ ကျယ်ကျယ်ပြန့်ပြန့် ဖြစ်သွားသည့်အတွက် ပို၍ပင် ဝမ်းမြောက်ကြပါလိမ့်မည်။
.
စာတပုဒ်၊ စာတပိုဒ် နှစ်ခြိုက်၍ quote လုပ်ကာ ယူငင်သုံးစွဲလိုပါက မူရင်းပိုင်ရှင်ကို ညွှန်းရန် လိုအပ်ပါသော်လည်း … စကားလုံးများ နာမည်ကြီးသောအခါ အများပိုင် ဖြစ်သွားကြလေတော့သည်။
***
မေဓာဝီ
၃ ဒီဇင်ဘာ ၂၀၁၆
.
(မနှစ်က ရေးပြီး အဆုံးမသတ်ြဖစ်ဘဲ တပိုင်းတစ ဖြစ်နေတဲ့စာလေး ဖေ့စ်ဘွတ်မှာ only me လုပ်ထားတာ on this day memory မှာ ပြန်ပေါ်လာလို့ အဆုံးသတ်ပြီး တင်လိုက်ပါတယ်။)

Read More...

Thursday, November 24, 2016

မောင်ကြီးသို့ ပေးစာ ... (၂)

အမျိုးသားအောင်ပွဲ ... ကျေးဇူးတော်နေ့ 
***

မောင်ကြီးရေ … 
.
ဒီကနေ့က ရှင်မတို့ မြန်မာနိုင်ငံရဲ့ ၉၆ နှစ်မြောက် အမျိုးသားအောင်ပွဲနေ့ပေါ့။ မနေ့က ကျောင်းမှာ စာသင်တော့ Grade 4 က ကျောင်းသားလေးတွေကို နက်ဖြန်ကျောင်းပိတ်တယ် … ဘာဖြစ်လို့လဲ သိလားလို့ ရှင်မက မေးတော့ သူတို့သေချာမသိဘူး၊ ဒါနဲ့ … National day (အမျိုးသားနေ့) လို့ ပြောပြပြီး အမျိုးသားနေ့ရဲ့ သမိုင်းအကျဉ်းချုပ်ကိုလည်း ရှင်းပြလိုက်ရတယ်။
.
Grade 4 ကျောင်းသားလေးတွေထဲမှာ သြစတေးလျမှာမွေးဖွား ကြီးပြင်းပြီး ဒီမှာ ကျောင်းလားတက်တဲ့ ကျောင်းသားလေး တယောက်လည်း ပါတယ် မောင်ကြီးရဲ့။ သူ့နာမည်က ရော်ဘင် တဲ့။ သူ့မိဘနှစ်ပါးက မြန်မာတွေပေမဲ့ သူကတော့ မြန်မာလို မပြောတတ်ဘူး၊ သူ့ကိုယ်သူလည်း သြစတေးလျန်းလို့သာ ခံယူထားတယ်။ I’m not Myanmar လို့ မကြာခဏ ပြောတဲ့ ကလေးပေါ့။
.
အတန်းထဲမှာ သူရှိနေတဲ့အတွက် သူနားလည်အောင် အင်္ဂလိပ်လို ပြောမှရတယ်။ အမျိုးသားနေ့ရဲ့ အစက လွန်ခဲ့တဲ့ ၉၆ နှစ်ဖြစ်တဲ့ ၁၉၂၀ ခုနှစ်မှာ ဖြစ်ကြောင်း၊ အဲဒီနှစ် ဒီဇင်ဘာလ ၅ ရက်မှာ နယ်ချဲ့အင်္ဂလိပ်အစိုးရ ပြဋ္ဌာန်းတဲ့ ရန်ကုန်တက္ကသိုလ် အက်ဥပဒေကို တက္ကသိုလ်ကျောင်းသားတွေ မကျေနပ်လို့ သပိတ်မှောက်ကြကြောင်း … အမျိုးသားနေ့လို့ သတ်မှတ်ကြမယ်ဆိုတော့ နေ့အမျိုးမျိုးကို စဉ်းစားရာက အမျိုးသားတော်လှန်ရေး စတင်တဲ့နေ့ဖြစ်တဲ့ ကျောင်းသားတွေ သပိတ်မှောက်တဲ့နေ့ကို သတ်မှတ်ဖို့ ဆုံးဖြတ်လိုက်ကြကြောင်း၊ အမျိုးသားနေ့ အဓိပ္ပါယ်ပိုရှိဖို့အတွက် ဒီဇင်ဘာ ၅ ရက်လို့ မသတ်မှတ်ဘဲ မြန်မာပြက္ခဒိန်ရဲ့ တန်ဆောင်မုန်းလပြည့်ကျော် ဆယ်ရက်နေ့ကို သတ်မှတ်တာ ဖြစ်ကြောင်း ... စသဖြင့် ရှင်မလည်း တတ်သရွေ့ မှတ်သရွေ့ အင်္ဂလိပ်လို ရှင်းပြလိုက်ရတယ်။
.
ဒါတွင်မကသေးဘူး …
မြန်မာပြည်သည် ဒို့ပြည်
မြန်မာစာသည် ဒို့စာ
မြန်မာစကားသည် ဒို့စကား
… ဆိုတဲ့ ကြွေးကြော်သံတွေကိုပါ အင်္ဂလိပ်လို ဘာသာပြန်ပြီး ဆိုပြ လိုက်ရသေးတာ။ ကိုယ့်စာ ကိုယ့်စကားကို ကလေးအရွယ်ကတည်းက တန်ဖိုးထားစေချင်လို့ပါ မောင်ကြီးရယ်။ ရှင်မတို့တိုင်းပြည်ဟာ ကိုယ်ပိုင်စာပေနဲ့ ဘာသာစကားရှိတယ်ဆိုတာကို သူတို့လေးတွေ ဂုဏ်ယူစေချင်လို့ ပါ။ များသောအားဖြင့် နိုင်ငံတကာ ကျောင်းတွေမှာ တက်ကြတဲ့ ကလေးအများစုဟာ မြန်မာစာကို ဂရုမစိုက်တဲ့အပြင် အထင်တောင် သေးကြတာကလား။ ရှင်မကတော့ မြန်မာစာ မသင်ရပေမဲ့ ကြုံရင်ကြုံသလို မြန်မာစာကို ချစ်မြတ်နိုးတတ်ဖို့ သိမ်းသွင်းဆွဲဆောင်ရတာပဲ။
.
အဲဒါနဲ့ တဆက်တည်း အခွင့်သင့်လို့ သူတို့လေးတွေကို လွတ်လပ်ရေးနေ့၊ ပြည်ထောင်စုနေ့ စသဖြင့် မြန်မာပြည်ရဲ့ သမိုင်းဝင်နေ့တွေကို မေးကြည့်တော့ သေသေချာချာသိသူ တယောက်မှကို မရှိဘူး မောင်ကြီးရေ။ သူတို့က မသင်ရသလိုလို ဘာလိုလို ဝေ့လည်ကြောင်ပတ် လုပ်နေသေးတာ။ ဒါနဲ့ပဲ သူတို့ရဲ့ မြန်မာစာ ဖတ်စာအုပ် ထုတ်ခိုင်းပြီး ရှာကြည့်လိုက်တော့ ဗိုလ်ချုပ်အောင်ဆန်း ဆိုတဲ့ ခေါင်းစဉ်အောက်မှာ ဇန်နဝါရီလ ၄ ရက်နေ့ဟာ လွတ်လပ်ရေးအောင်ပွဲနေ့ ဖြစ်ကြောင်း ရေးထားတာ တွေ့ရတယ်။
.
ကျောင်းသားတွေဟာ သူတို့ သင်ခန်းစာထဲမှာလည်း သင်ပါလျက်နဲ့ ဒီလိုနေ့တွေကို စိတ်ဝင်စားမှု အတော်လေး အားနည်းသွားပြီ မောင်ကြီးရဲ့။ ကိုယ့်တိုင်းပြည်အကြောင်း ကိုယ် သိထားသင့်တာပေါ့ … လို့ ရှင်မကပြောတော့ ဟိုသြစတေးလျန်းလေး ရော်ဘင်က ဒါ ငါ့တိုင်းပြည် မဟုတ်ဘူး။ ငါတိုင်းပြည်က သြစတေးလျ တဲ့။ အဲဒီလို ပါဆို … ။
***
တိုက်တိုက်ဆိုင်ဆိုင်ပါပဲ … နိုဝင်ဘာ ၂၄ ရက်နေ့ဟာ အမေရိကန်နိုင်ငံရဲ့ Thanksgiving day ကျေးဇူးတော်နေ့ ဖြစ်သတဲ့ မောင်ကြီးရေ။ သူတို့ဆီမှာလည်း အစိုးရ ရုံးပိတ်ရက် တရက်ပေါ့။ Thanksgiving day အကြောင်း ကြုံလို့ မောင်ကြီးကို ပြောပြရအုံးမယ်။ ၁၆၂၀ ခုနှစ် မှာ Mayflower သင်္ဘောကြီးနဲ့ အင်္ဂလန်ကနေ အမေရိကကို ရောက်လာတဲ့ ခရီးသွားတွေဟာ စစချင်း ကြမ်းတမ်းတဲ့ ရာသီဥတုဒဏ်ကို အတော်လေး ခံရစဉ်မှာရော ကောက်ပဲသီးနှံတွေ စိုက်ပျိုးရာမှာပါ ဒေသခံ အမေရိကန် လူနီတွေက ကူညီပေးခဲ့တာကြောင့် သူတို့ အဆင်ပြေခဲ့ရတယ်။ ကောက်ပဲသီးနှံတွေ ရိတ်သိမ်းချိန်ရောက်တော့ ကိုယ့်ကိုယ် ကျေးဇူးပြုခဲ့ဖူးသူတွေကို ကျေးဇူးတင်တဲ့အနေနဲ့ အားလုံးဖိတ်ကြားပြီး ပျော်ပျော်ပါးပါး စားသောက်ကြသတဲ့။
.
၁၇၈၉ ခုနှစ်မှာတော့ အမေရိကန်သမ္မတ ဂျော့ခ်ျဝါရှင်တန်က နိုဝင်ဘာ ၂၆ ရက်ကို National Thanksgiving နေ့အဖြစ် သတ်မှတ်ပေးခဲ့တယ်တဲ့ မောင်ကြီးရေ ... ။ ဒီလိုနဲ့ ခေတ်အဆက်ဆက် သမ္မတအဆက်ဆက် Thanksgiving day ကို ပြောင်းလဲသတ်မှတ်ရာက ၁၉၄၁ မှာတော့ နိုဝင်ဘာလ တတိယပတ်ရဲ့ ကြာသာပတေးနေ့ကို Thanksgiving day လို့ သတ်မှတ်ပြီး အများပြည်သူ အလုပ်ပိတ်ရက် အဖြစ် ကြေငြာပေးခဲ့သတဲ့။
.
အခုခေတ်မှာတော့ Thanksgiving day က မိသားစုတွေ ပြန်လည် ဆုံစည်းကြ ညစာအတူ စားကြတဲ့ နေ့ပေါ့ မောင်ကြီးရယ်။ Thanksgiving ညစာရဲ့ ထင်ရှားတဲ့ အစားအစာတွေကတော့ မောင်ကြီး သိပြီးဖြစ်တဲ့အတိုင်း ကြက်ဆင်သားနဲ့ ရွှေဖရုံသီးမုန့်ပေါ့။
.
ဆိုတော့ မောင်ကြီးရယ် … ရှင်မက ဒီရက်နှစ်ခု လာတိုက်ဆိုင်တာကို တွေးနေမိတယ်။ ရှင်မတို့ရဲ့ အမျိုးသားနေ့ဟာလည်း တကယ်တော့ ကျေးဇူးတော် နေ့ပဲလေ။
.
ဘာလဲ … မောင်ကြီးက ဘာဆိုင်လို့လဲ ရှင်မရဲ့ လို့ တွေးနေတာ မဟုတ်လား။ ဒီလိုလေ မောင်ကြီးရဲ့။ အမျိုးသားနေ့က အစပြုလို့ ကျောင်းသားတွေဟာ အင်္ဂလိပ်အစိုးရကို တော်လှန်ခဲ့တယ်၊ အဲဒီမှာပဲ အားလုံးရဲ့ ရင်ထဲမှာ မျိုးချစ်စိတ်တွေ ကိန်းအောင်းခဲ့ကြတယ်လေ။ အမျိုးသားစိတ်ဓာတ် ဆိုတာ ရှင်မတို့ တိုင်းပြည် လွတ်လပ်ရေး ရရာ ရကြောင်းရဲ့ အခြေခံ အုတ်မြစ်ပဲ မဟုတ်လား။
.
ရှင်မတို့တိုင်းပြည်ကြီး လွတ်လပ်ရေးရခဲ့တာ အရင်းစစ်လိုက်ရင် အမျိုးသားနေ့က စခဲ့တာမို့ အမျိုးသားနေ့ကို ကျေးဇူးတော်နေ့လို့ ဆိုတာ ရှင်မ မလွန်ပါဘူးနော် ... ။
.
တော်သေးပြီ မောင်ကြီးရေ ... ရှင်မရဲ့ စာ အဆုံးမသတ်ခင်မှာ ဆရာကြီး မင်းသုဝဏ်ရဲ့ အမျိုးသားအောင်ပွဲနေ့ မင်္ဂလာ နှုတ်ခွန်းဆက် ကဗျာလေး မောင်ကြီးဖတ်ဖို့ မျှဝေလိုက်ပါရစေ။
.
အိုးဝေတဲ့ တညံညံ၊
ရွှေဒေါင်းပျို တောင်ညိုဦးမှာ
ကျူးရင့်အောင်သံ။
.
အောင်ပွဲရယ်ခံ
နိုင်ငံတဲ့ သာရေး၊
မင်္ဂလာ စည်တော်ရွမ်းချိန်မို့
ခွန်းချိုဆက်တေး ။ ... ။ (မင်းသုဝဏ်)

***
ဒီကဗျာလေးက ၁၉၃၅ ခုနှစ် နိုဝင်ဘာလထုတ် ကြီးပွါးရေး မဂ္ဂဇင်းမှာ ပါခဲ့တဲ့ ကဗျာလေးတဲ့ မောင်ကြီးရဲ့။ ဘယ့်နှယ့်လဲ ... ။ အခုချိန်နဲ့ ကွက်တိပဲ မဟုတ်လား။ အိုးဝေသံတွေ တညံညံနဲ့ မင်္ဂလာစည်တော် ရွမ်းတဲ့အချိန် ... သြော် ... ဆရာကြီးသာ ခုနေရှိရင် တိုင်းပြည်အတွက်ရော ဆရာကြီးရဲ့ သားအတွက်ပါ ဝမ်းသာဂုဏ်ယူစွာနဲ့ ကဗျာတွေ ရေးဖွဲ့နေအုံးမှာလို့ ရှင်မတော့ ထင်မိတာပါပဲ မောင်ကြီးရေ ... ။
***
မောင်ကြီးရဲ့
ရှင်မ
မေဓာဝီ
(၂၄၊ နိုဝင်ဘာ၊ ၂၀၁၆)
အမျိုးသားအောင်ပွဲနေ့
၂၂း၃၈ နာရီ

Read More...